കോഴിക്കോട്: മുത്തപ്പൻപുഴ മൈനാവളവിൽ നാല് വയസ് പ്രായമായ പുള്ളിപ്പുലിയെ ചത്ത നിലയിൽ കണ്ടെത്തി. മുള്ളൻപന്നിയുടെ ആക്രമണത്തിലാണ് പുള്ളിപ്പുലി ചത്തതെന്നാണ് പ്രാഥമിക നിഗമനം. പുലർച്ചെ പാൽ സംഭരിക്കാൻ പോയ ഓട്ടോ ഡ്രൈവറാണ് റോഡരികിൽ ചത്തനിലയിൽ പുള്ളിപ്പുലിയെ കണ്ടത്.
ചത്ത പുള്ളിപ്പുലിയുടെ ശരീരത്തിൽ നിരവധി മുള്ളുകൾ തറച്ചിട്ടുണ്ട്. മുമ്പ് മുത്തുപ്പുഴ-മുറിപ്പുഴ ഭാഗത്ത് പുള്ളിപ്പുലിയുടെ ആക്രമണം നടന്നതായി പരാതി ഉയർന്നിരുന്നു.
