മുംബൈ: വനിതാ ട്വന്റി20 പരമ്പരയില് രണ്ടാം മത്സരത്തിലും ഭാരതത്തിന് തോല്വി. ഇന്നലെ നടന്ന മത്സരത്തില് ഇംഗ്ലണ്ട് വനിതകള് നാല് വിക്കറ്റിനാണ് ഭാരതത്തെ തോല്പ്പിച്ചത്. മൂന്ന് മത്സര പരമ്പരയില് സന്ദര്ശകര് 2-0ന് മുന്നിലായി.
ആദ്യ മത്സരം നടന്ന വാംഖഡെയില് തന്നെയാണ് രണ്ടാം മത്സരവും ഇന്നലെ നടന്നത്. ബൗളിങ്ങ്ന് അനുകൂലമായി തിരിഞ്ഞ പിച്ചില് ഇന്നലെ ഭാരത താരങ്ങള് ആദ്യം ബാറ്റ് ചെയ്ത് 80 റണ്സില് ഓള്ഔട്ടായി. മറുപടി ബാറ്റിങ്ങിനിറങ്ങിയ ഇംഗ്ലണ്ടിന് വിജയിക്കാനായത് ആറ് വിക്കറ്റ് നഷ്ടപ്പെടുത്തിയാണ്. ടോസ് നേടിയ ആദ്യം ബാറ്റ് ചെയ്ത ഭാരത നിരയില് ജമീമ റോഡ്രിഗസ്(30) മാത്രമാണ് മികച്ചു നിന്നത്. ബാക്കിയുള്ളവരില് ഓപ്പണര് സ്മൃതി മന്ദാന(10) മാത്രമാണ് രണ്ടക്കം കടന്നത്. ഇംഗ്ലണ്ടിനായി പന്തെടുത്തവരെല്ലാം വിക്കറ്റ് നേടി. മറുപടി ബാറ്റിങ്ങില് ആലീസ് കാപ്സി നേടിയ 25 റണ്സ് ആണ് ഉയര്ന്ന സ്കോര്. സോഫീ എക്ലെസ്റ്റോണും(ഒമ്പത്) ഹീതര് നൈറ്റും(ഏഴ്) പുറത്താകാതെ നിന്നു.
