മലപ്പുറം: കേരള പ്രീമിയര്‍ ലീഗില്‍ വെളളിയാഴ്ച നടന്ന മത്സരത്തില്‍ കേരള ബ്ലാസ്റ്റേഴ്സിന് പരാജയം. കോട്ടപ്പടി മൈതാനത്ത് കോവളം എഫ് സിയാണ് കേരള ബ്ലാസ്റ്റേഴ്‌സ് റിസേര്‍വ്‌സ് ടീമിനെ തോല്‍പ്പിച്ചത്.
ഒന്നിനെതിരെ മൂന്നു ഗോളുകള്‍ക്കാണ് കോവളം എഫ് സി വിജയിച്ചത്. പതിമൂന്നാം മിനിറ്റില്‍ പെനാല്‍റ്റിയിലൂടെയാണ് കോവളം ലീഡ് നേടിയത്.അബിന്‍ പെനാല്‍റ്റി ലക്ഷ്യത്തിലെത്തിക്കുകയായിരുന്നു.
രണ്ടാം പകുതിയില്‍ വൈഷ്ണവ് 68ാം മിനിട്ടിലും 88ാം മിനിട്ടിലും കോവളത്തിനായി ഗോളുകള്‍ നേടി. വൈഷ്ണവാണ് കളിയിലെ താരം. കേരള ബ്ലാസ്റ്റേഴ്‌സിന്റെ ഏക ഗോള്‍ അമന്‍ നേടി.
പ്രതികരിക്കാൻ ഇവിടെ എഴുതുക: