തിരുവനന്തപുരം: ആരോഗ്യവകുപ്പില് നിയമനം വാഗ്ദാനം ചെയ്ത് തട്ടിപ്പ് നടത്തിയ യൂത്ത് കോണ്ഗ്രസ് നേതാവിനെ സംഘടന സസ്പന്ഡ് ചെയ്തു. സംസ്ഥാന സെക്രട്ടറി അരവിന്ദ് വെട്ടിക്കലിനെ ദേശീയ സെക്രട്ടറി പുഷ്പലത സസ്പെന്ഡ് ചെയ്തു. സംസ്ഥാന നേതൃത്വം ആവശ്യപ്പെട്ട പ്രകാരമാണ് സസ്പെന്ഷന്.
അരവിന്ദനെതിരെ ഉയര്ന്ന ആരോപണത്തില് നേതൃത്വം അന്വേഷണം ആരംഭിച്ചു. ആലപ്പുഴ ചിങ്ങോലി സ്വദേശിനിക്ക് കോട്ടയം ജനറല് ആശുപത്രിയില് റിസപ്ഷനിസ്റ്റായി ജോലിയില് പ്രവേശിക്കാന് പ്രതി വ്യാജ നിയമന ഉത്തരവ് നിര്മ്മിച്ചു നല്കിയെന്ന് പരാതി ഉണ്ടായിരുന്നു.
സംഭവത്തില് ആരോഗ്യവകുപ്പ് അഡീഷണല് ഡയറക്ടര് പരാതി നല്കിയിരുന്നു.യുവതിയുടെ മൊഴിയെടുത്ത പൊലീസ് അരവിന്ദ് വെട്ടിക്കലിന്റെ അറസ്റ്റ് രേഖപ്പെടുത്തി.ബെവ്കോയിലും തട്ടിപ്പ് നടത്തിയെന്നാണ് ആരോപണം.
തട്ടിപ്പില് കൂടുതല് പേര്ക്ക് പങ്കുണ്ടോയെന്നും പൊലീസ് അന്വേഷിക്കുന്നു.
