ചെന്നൈ: ബിജെപി ജയിച്ചത് ഗോമൂത്ര സംസ്ഥാനങ്ങളിലാണെന്ന ഡിഎംകെ എംപി. സെന്തില്കുമാറിന്റെ പ്രസ്താവന വിവാദമായതോടെ തിരിച്ചടിച്ച് ബിജെപി കേന്ദ്രമന്ത്രി മീനാക്ഷി ലേഖി. രാജ്യത്തിന്റെ വികാരത്തെ തൊട്ടുകളിക്കുന്നത് ആരായാലും അവര്ക്ക് പൊതുജനം മറുപടി കൊടുക്കുമെന്നായിരുന്നു മീനാക്ഷി ലേഖി ആഞ്ഞടിച്ചത്. മധ്യപ്രദേശ്, ഛത്തീസ് ഗഡ്, രാജസ്ഥാന് എന്നീ മൂന്ന് സംസ്ഥാനങ്ങളില് വിജയക്കൊടി പാറിച്ചതിന് തൊട്ടുപിന്നാലെയായിരുന്നു ബിജെപിയെ അപമാനിക്കുന്ന ഈ പ്രതികരണം പുറത്തുവന്നത്.
ഈ പ്രസ്താന സനാതനി പാരമ്പര്യത്തിന് നിരക്കാത്തതാണ്. അന്തസ്സിനെ ഇടിച്ചുതാഴ്ത്തുന്നതാണ് ഈ പ്രസ്താനയെന്നും മീനാക്ഷി ലേഖി പറഞ്ഞു. എന്തായാലും ഇത്തരം പ്രസ്താവന രാജ്യത്തെ ജനങ്ങള് സഹിക്കുമെന്ന് തോന്നുന്നില്ല. ഗോമൂത്രത്തിന്റെ ഗുണമെന്തെന്ന് വൈകാതെ ഡിഎംകെ സര്ക്കാര് അറിയുമെന്നായിരുന്നു മീനാക്ഷി ലേഖിയുടെ മറുപടി.
ദക്ഷിണേന്ത്യന് സംസ്ഥാനങ്ങളിലെ ബിജെപിയുടെ അസാന്നിധ്യത്തെ വിമര്ശിച്ചുകൊണ്ടായിരുന്നു സെന്തില്കുമാറിന്റെ ഈ പ്രസ്താവന. ഗോമൂത്ര എന്ന വിളിക്കപ്പെടുന്ന ഹിന്ദി ഹൃദയഭൂമിയില് മാത്രമാണ് ബിജെപിയ്ക്ക് വിജയിക്കാന് കഴിയുകയെന്നും സെന്തില് കുമാര് പറഞ്ഞു.
.
