കൊച്ചി : തീവ്രവാദ സംഘടനയായ പോപ്പുലര് ഫ്രണ്ട് ആഹ്വാനം ചെയ്ത ഹര്ത്താലിനിടെ പൊതുമുതല് നശിപ്പിെച്ചന്ന കേസില് സ്വത്ത് കണ്ടുകെട്ടാനുള്ള ഹൈക്കോടതി ഉത്തരവിനെതിരായ പുനഃപരിശോധനാ ഹര്ജി തള്ളി. നടപടിക്രമങ്ങള് പാലിച്ചാണ് സ്വത്ത് കണ്ടുകെട്ടിയതെന്ന് ഹൈക്കോടതി വ്യക്തമാക്കി.
കണ്ടുകെട്ടിയ തുക പ്രത്യേകം അക്കൗണ്ടിലാണ് സൂക്ഷിച്ചിരിക്കുന്നത്.സ്വത്ത് കണ്ടുകെട്ടല് നോട്ടീസ് പ്രതികള്ക്ക് നല്കിയിരുന്നെന്ന് കോടതി പറഞ്ഞു. ജസ്റ്റിസുമാരായ ജയശങ്കരന് നമ്പ്യാര്, മുഹമ്മദ് നിയാസ് എന്നിവരുള്പ്പെട്ട ഡിവിഷന് ബെഞ്ചാണ് ഹര്ജി തള്ളിയത്.
ഹര്ത്താലിനിടെ ഉണ്ടായ നഷ്ടത്തിന്റെ അന്തിമ കണക്ക് കെഎസ്ആര്ടിസിയും സര്ക്കാരും തിട്ടപ്പെടുത്തിയിട്ടില്ല. നഷ്ടപരിഹാരത്തുക കണക്കാക്കാനുള്ള ക്ലയിംസ് ട്രൈബ്യുണലിന്റെ പ്രവര്ത്തനം പുരോഗമിക്കുകയാണ്. ഈ സാഹചര്യത്തില് പുനഃപരിശോധനാ ഹര്ജി ഇപ്പോള് അംഗീകരിക്കാന് കഴിയില്ലെന്നും ഹൈക്കോടതി പറഞ്ഞു.
