ന്യൂദല്ഹി: രാജ്യസഭ വൈസ് ചെയര്മാന് പാനല് പുനഃസംഘടിപ്പിച്ചു. 50 ശതമാനം വനിതകളെ ഉള്പ്പെടുത്തിക്കൊണ്ടാണ് രാജ്യസഭാ അധ്യക്ഷന് ജഗദീപ് ധന്ഖര് പാനല് പുനസംഘടിപ്പിച്ചത്.
എട്ടംഗ പാനലില് കോണ്ഗ്രസ് എംപി ഫുലോദേവി നെതം, ബിജെപി എംപിമാരായ ഫാങ്നോണ് കൊന്യാക്, ദര്ശന് സിങ്, സോണാല് മാന്സിങ് എന്നിവരാണ് വനിതാ അംഗങ്ങള്. പാര്ലമെന്റ് സമ്മേളനത്തിന്റെ ആദ്യദിവസമായ ഇന്നലെയായിരുന്നു പാനല് പുനഃസംഘടിപ്പിച്ചുകൊണ്ടുള്ള ജഗദീപ് ധന്ഖറുടെ പ്രഖ്യാപനം. ബിജു ജനതാദളിന്റെ സസ്മിത് പത്ര, വൈഎസ്ആര് കോണ്ഗ്രസിലെ വി. വിജയ്സായ് റെഡ്ഡി, ടിഎംസിയിലെ സുകേന്ദ് ശേഖര് റായ്, സ്വതന്ത്രഅംഗം കാര്ത്തികേയ ശര്മ്മ എന്നിവരാണ് മറ്റ് അംഗങ്ങള്.
