തിരുവനന്തപുരം: നരേന്ദ്രമോദി സര്ക്കാരിനെതിരെ കോണ്ഗ്രസ് നടത്തിയ വ്യാജ പ്രചരണങ്ങള്ക്ക് ജനങ്ങള് നല്കിയ തിരിച്ചടിയാണ് മധ്യപ്രദേശ്, രാജസ്ഥാന്, ചത്തീസ്ഗഡ് നിയമ തെരഞ്ഞെടുപ്പില് കണ്ടതെന്ന് ബിജെപി ദേശീയ നിര്വാഹകസമിതി അംഗം കുമ്മനം രാജശേഖരന്.
മൂന്ന് സംസ്ഥാനങ്ങളിലെ തകര്പ്പന് ജയത്തെ തുടര്ന്ന് ബിജെപി സംസ്ഥാന കമ്മിറ്റി ഓഫീസില് നടന്ന വിജയാഹ്ലാദത്തിനിടെ മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
ജാതി ഉപയോഗിച്ച് ജനങ്ങളെ ഭിന്നിപ്പിക്കാനുള്ള ഐന്ഡി മുന്നണിയുടെ ശ്രമങ്ങള്ക്ക് ജനം മറുപടി നല്കിയിരിക്കുകയാണെന്നും നരേന്ദ്രമോദി സര്ക്കാരിന്റെ വികസന നയങ്ങള്ക്കുള്ള അംഗീകാരമാണ് ഇതെന്നും അദ്ദേഹം പറഞ്ഞു.
ബിജെപി സംസ്ഥാന കമ്മിറ്റി ഓഫീസില് നടന്ന ആഘോഷ പരിപാടിയില് മുതിര്ന്ന നേതാവും മുന് കേന്ദ്രമന്ത്രിയുമായ ഒ.രാജഗോപാല്, സംസ്ഥാന ജനറല്സെക്രട്ടറിമാരായ പി.സുധീര്, ജോര്ജ് കുര്യന്, ഉപാദ്ധ്യക്ഷ പ്രൊഫ: വിടി.രമ, ഉപാദ്ധ്യക്ഷന് സി.ശിവന്കുട്ടി, സംസ്ഥാന സെക്രട്ടറിമാരായ ജെആര്. പത്മകുമാര്, എസ്.സുരേഷ്, കരമന ജയന്, ജില്ലാ അദ്ധ്യക്ഷന് വിവി.രാജേഷ് തുടങ്ങിയ നേതാക്കള് പങ്കെടുത്തു. മധുരം വിതരണം ചെയ്തും പടക്കം പൊട്ടിച്ചുമാണ് പ്രവര്ത്തകര് ജനവിധി ആഘോഷിച്ചത്.
