ആളൂര്‍: വിജയ് ഹസാരെ ട്രോഫി ക്രിക്കറ്റില്‍ വിജയത്തുടര്‍ച്ച പ്രതീക്ഷിച്ച് കേരളത്തിന്റെ സഞ്ജു വി. സാസംണും സംഘവും ഇന്ന് ആറാം പോരാട്ടത്തിന്. ഹൈദരാബാദിലെ ആളൂരില്‍ നടക്കുന്ന പോരാട്ടത്തില്‍ പുതുച്ചേരിയാണ് എതിരാളികള്‍.
ബെംഗളൂരുവില്‍ നടന്ന കഴിഞ്ഞ മത്സരത്തില്‍ സിക്കിമിനെ ഏഴ് വിക്കറ്റിന് തകര്‍ത്തതിന് പിന്നാലെയാണ് ഇന്നത്തെ ആറാം മത്സരത്തിനിറങ്ങുന്നത്. ആദ്യം ബാറ്റ് ചെയ്ത സിക്കിമിനെ വെറും 83 റണ്‍സില്‍ ഓള്‍ഔട്ടാക്കിയ ശേഷമായിരുന്നു കേരളത്തിന്റെ വിജയം. ഇതുവരെ കളിച്ച അഞ്ച് മത്സരങ്ങളില്‍ നാലും ജയിച്ച കേരളം ഗ്രൂപ്പ് എയില്‍ രണ്ടാം സ്ഥാനത്താണ്. ഇതുവരെ നടന്ന മത്സരങ്ങളില്‍ മുംബൈയോട് മാത്രമാണ് കേരളം പരാജയമറിഞ്ഞത്. സിക്കിമിന് പുറമെ നിലവിലെ ജേതാക്കളായ സൗരാഷ്‌ട്ര, ത്രിപുര, ഒഡീഷ ടീമുകളെയാണ് കേരളം പരാജയപ്പെടുത്തിയിട്ടുള്ളത്.
പുതുച്ചേരി ഇതുവരെ കളിച്ച അഞ്ച് കളികളില്‍ രണ്ടെണ്ണത്തിലേ ജയിച്ചിട്ടുള്ളൂ. ഗ്രൂപ്പ് എയില്‍ ആറാം സ്ഥാനത്താണ് പുതുച്ചേരി. ഇന്നത്തെ മത്സരം കഴിഞ്ഞാല്‍ ഒരു മത്സരം മാത്രമേ കേരളത്തിന് അവശേഷിക്കുന്നുള്ളൂ. കേരളത്തിന് തൊട്ടുപിന്നിലുള്ള റെയില്‍വേയ്‌സാണ് അത്. അവര്‍ക്കെതിരായ മത്സരം ചൊവ്വാഴ്‌ച്ച ബെംഗളൂരുവില്‍ നടക്കും.
പ്രതികരിക്കാൻ ഇവിടെ എഴുതുക: