കൊല്ലം: ഓയൂരിൽ ആറ് വയസുകാരിയെ തട്ടിക്കൊണ്ട് പോയത് ട്രയൽ കിഡ്നാപ്പിംഗെന്ന് കസ്റ്റഡിയിലുള്ളവരുടെ നിർണായക മൊഴി പുറത്ത്. നിരവധി കുട്ടികളെ തട്ടിക്കൊണ്ട് പോകാൻ ശ്രമിച്ചതായി പ്രതികളുടെ മൊഴി പുറത്ത്. ഓയൂരിലെ കുട്ടിയെ മാത്രം തട്ടിക്കൊണ്ട് പോകുന്നതിന് ശ്രമം നടത്തിയത് മൂന്ന് തവണയാണെന്നും പ്രതികൾ മൊഴി നൽകി.
ഒരു വർഷത്തെ തയാറെടുപ്പാണ് കൃത്യത്തിന് പിന്നാലുണ്ടായിരുന്നത്. പണം തട്ടുക തന്നെയായിരുന്നു ഇതിന് പിന്നിലെ ലക്ഷ്യം.കൃത്യത്തിൽ ഭാര്യയ്ക്കും മകൾക്കും പങ്കുണ്ടെന്ന് സ്ഥിരീകരിച്ചു. പാരിപ്പള്ളിയിൽ നിന്നും ഫോൺ വിളിച്ചത് പത്മകുമാറിന്റെ ഭാര്യയാണെന്നും പോലീസ് കണ്ടെത്തി.
