കണ്ണൂർ: ഓയൂരിൽ നിന്നും ആറ് വയസുകാരിയെ തട്ടിക്കൊണ്ട് പോയ സംഭവത്തിൽ കൂടുതൽ വിവരങ്ങൾ പുറത്ത്. കുട്ടിയെ തട്ടിക്കൊണ്ട് പോയ സമയം വാഹനത്തിൽ രണ്ട് പുരുഷന്മാരും രണ്ട് സ്ത്രീകളും ഉണ്ടായിരുന്നതായി കുട്ടിയുടെ മൊഴി. കുട്ടിയെ വീട്ടിൽ എത്തിച്ച ശേഷം ഒരു സ്ത്രീയാണ് പുറത്ത് പോയി ഭക്ഷണം വാങ്ങിയത്.
പ്രതികൾ തമ്മിൽ സംസാരം കുറവായിരുന്നുവെന്നും കുട്ടി പറയുന്നു. കുട്ടിയെ തിരികെ കൊണ്ടു വിടുന്ന സമയത്തും മൂന്നംഗ സംഘം വാഹനത്തിലുണ്ടായിരുന്നു. തട്ടിക്കൊണ്ടുപോയ ദിവസം താമസിച്ചത് ആളൊഴിഞ്ഞ വീട്ടിലായിരുന്നുവെന്നും കുട്ടി പറയുന്നു. അവിടേക്ക് പോകവെ പലയിടത്തുവെച്ചും ബലപ്രയോഗത്തിലൂടെ തല താഴ്‌ത്തിയെന്നും കുട്ടി പറയുന്നു.
തൊട്ടടുത്ത ദിവസം രാവിലെ മുതൽ വീണ്ടും യാത്ര ആരംഭിച്ചു. ആദ്യ യാത്ര കാറിലും പിന്നീട് ഓട്ടോയിലുമാണ് സഞ്ചരിച്ചത്. സംഘത്തിൽ കൂടുതൽ ആളുകളെ കണ്ടെന്നും കുട്ടി മൊഴി നൽകി. ആശ്രാമം മൈതാനത്ത് കുട്ടിയ വിട്ട സമയം ഇവിടേക്ക് പപ്പ വരുമെന്ന് അറിയിച്ചെന്നും കുട്ടി പറയുന്നു.
പ്രതികരിക്കാൻ ഇവിടെ എഴുതുക: