കോഴിക്കോട്: കഴിഞ്ഞ അദ്ധ്യയന വര്‍ഷത്തെ പൊതുപരീക്ഷകളില്‍ മികച്ച വിജയം നേടിയ കോഴിക്കോട് ചെറുവണ്ണൂര്‍ ഗവ. വിഎച്ച്എസ്സിയിലെ വിദ്യാര്‍ത്ഥികള്‍ക്ക് വികെസി എന്‍ഡോവ്മെന്റ് അവാര്‍ഡ് സമ്മാനിച്ചു. എച്ച്എസ്എസ് വിഭാഗത്തില്‍ ദില്‍ഹ വി., വിഎച്ച്എസ്ഇ വിഭാഗത്തില്‍ ഫാത്തിമ റുഷ്ദ, എസ്എസ്എല്‍സിക്ക് ആയിഷ സഫിയ എന്നിവരാണ് അര്‍ഹരായത്. ബേപ്പൂര്‍ മുന്‍ എംഎല്‍എ വി.കെ.സി. മമ്മദ്‌കോയ അവാര്‍ഡ് വിതരണം ചെയ്തു. എല്ലാ വര്‍ഷവും സ്‌കൂള്‍, കോളജ് തലങ്ങളില്‍ കോഴിക്കോട് യൂണിവേഴ്സിറ്റി, കോഴിക്കോട് എന്‍ജിനീയറിങ് കോളജ് തുടങ്ങി 15 ഓളം വിദ്യാഭ്യാസ സ്ഥാപനങ്ങളില്‍ വിവിധ വിഭാഗങ്ങളിലായി വികെസി ഈ അവാര്‍ഡ് നല്കുന്നു.
പഠനമികവിന് പ്രോത്സാഹനം നല്കുന്നതോടൊപ്പം സമൂഹത്തിന്റെ ഉന്നമനത്തിനും രാജ്യത്തിന്റെ സമഗ്രപുരോഗതിക്കും വിദ്യാഭ്യാസത്തിന്റെയും വിശാലമായ അറിവിന്റെയും അനിവാര്യത പുതിയ തലമുറയ്‌ക്ക് ബോധ്യപ്പെടുത്തുക എന്നതാണ് അവാര്‍ഡിന്റെ ലക്ഷ്യം.
