കോഴിക്കോട്: നവകേരള സദസിനെതിരെയുളള പ്രതിഷേധത്തിനിടെ കോഴിക്കോട് ഡിസിപി കെ ഇ ബൈജു കെഎസ് യു പ്രവര്ത്തകന്റെ കഴുത്തു ഞെരിച്ച സംഭവത്തില് മനുഷ്യാവകാശ കമ്മീഷന് കേസെടുത്തു. ഡിസിപി അടുത്ത സിറ്റിംഗില് നേരിട്ട് ഹാജരാകണമെന്ന് മനുഷ്യാവകാശ കമ്മീഷന് നോട്ടീസ് അയച്ചു.
സിറ്റി പോലീസ് കമ്മീഷണര് സംഭവം അന്വേഷിച്ച് 14 ദിവസത്തിനകം റിപ്പോര്ട്ട് നല്കണമെന്നും മനുഷ്യാവകാശ കമ്മീഷന് ആവശ്യപ്പെട്ടിട്ടുണ്ട്.
മനുഷ്യാവകാശ കമ്മീഷന് ആക്ടിംഗ് ചെയര്പേഴ്സന് കെ. ബൈജു നാഥാണ് കേസ് പരിഗണിച്ചത്.
കോഴിക്കോട് എരഞ്ഞിപ്പാലത്ത്, നവകേരള സദസിനെത്തിയ മുഖ്യമന്ത്രിക്കെതിരെ കരിങ്കൊടി പ്രതിഷേധം നടത്താനെത്തിയപ്പോഴാണ് കെ എസ് യു പ്രവര്ത്തകന് ജോയല് ആന്റണിയുടെ കഴുത്ത് ഡിസിപി കെഇ ബൈജു ഞെരിച്ചത്.
കഴുത്തിന് പരിക്കേറ്റ ജോയല് ആന്റണി പരാതി നല്കിയിരുന്നു. കമ്മീഷണര്ക്കെതിരെ നടപടി ആവശ്യപ്പെട്ട് ജില്ലാ കോണ്ഗ്രസ് കമ്മിറ്റി ഹൈക്കോടതിയിലെത്തിയിട്ടുണ്ട്. സംഭവത്തില് യൂത്ത് കോണ്ഗ്രസ് നാളെ കമ്മീഷണര് ഓഫീസിലേക്ക് മാര്ച്ച് നടത്തും.
