കൊല്ലം: ഓയൂരിൽ നിന്ന് ആറ് വയസുകാരി അഭികേലിനെ തട്ടിക്കൊണ്ടുപോകാൻ ഉപയോഗിച്ച KL 04 AF 3239 എന്ന സ്വിഫ്റ്റ് ഡിസയർ കാറിന്റെ ഉടമ വിമൽ സുരേഷിന്റേതാണെന്ന് കണ്ടെത്തി. വിമൽ സുരേഷാണ് നിലവിൽ കസ്റ്റഡിയിലുള്ളവരിൽ മൂന്ന് പേരിൽ ഒരാളെന്നാണ് സൂചന. മൂന്ന് പേരെയാണ് തിരുവനന്തപുരത്ത് പോലീസ് കസ്റ്റഡിയിലെടുത്തിരിക്കുന്നത്.
ഇവരിൽ ഒരാളെ ശ്രീകാര്യത്ത് നിന്നും രണ്ട് പേരെ ശ്രീകണ്ഠേശ്വരത്ത് നിന്നുമാണ് കസ്റ്റഡിയിൽ എടുത്തിരിക്കുന്നത്. കാർ വാഷിംഗ് സെന്ററിന്റെ ഉടമയാണ് കസ്റ്റഡിയിലായവരിൽ ഒരാളായ പ്രതീഷ്. അഞ്ഞൂറ് രൂപയുടെ നൂറ് നോട്ടുകളുടെ 19 കെട്ടും കടയിൽ നിന്ന് കണ്ടെത്തിയിട്ടുണ്ട്.
ഇന്നലെ വൈകിട്ട് 4.45-ഓടെയാണ് അഭികേൽ സാറ റെജിയെന്ന ആറ് വയസുകാരിയെ തട്ടിക്കൊണ്ടുപോയത്. വെള്ള നിറത്തിലുള്ള ഹോണ്ട അമയിസ് കാറിലാണ് കുട്ടിയെ കയറ്റിക്കൊണ്ട് പോയത്. മൂത്ത മകൻ ജോനാഥനൊപ്പം ട്യൂഷന് പോകുമ്പോഴായിരുന്നു സംഭവം. തടയാൻ ശ്രമിച്ച തന്നെ വലിച്ചിഴച്ചതായി സഹോദരൻ ജോനാഥ് പറയുന്നു.
