ബ്രെന്റ്ഫോര്ഡ്: മത്സരം അവസാന മിനിറ്റുകളിലേക്ക് കടക്കുമ്പോള് പകരക്കാരനായിറങ്ങിയ കായി ഹാവെര്ട്സ് നേടിയ ഗോളില് ആഴ്സണല് ബ്രെന്റ്ഫോഡിനെ തോല്പ്പിച്ചു. മത്സരത്തിന്റെ 89-ാം മിനിറ്റില് നേടിയ ഏകപക്ഷീയമായ ഈ ഗോളിന്റെ ബലത്തില് ജയിച്ച ആഴ്സണല് പ്രീമിയര് ലീഗ് പോയിന്റ് പട്ടികയില് മാഞ്ചസ്റ്റര് സിറ്റിയെ മറികടന്ന് ഒന്നാമതെത്തി.
കരുത്തന് പോരാട്ടത്തില് ലിവര്പുളിനോട് സ്വന്തം മൈതാനത്ത് സിറ്റിക്ക് സമനില വഴങ്ങേണ്ടിവന്നതിന് തൊട്ടുപിന്നാലെ നടന്ന കളിയിലാണ് ആഴ്സനല് വിജയം. 13 കളികളില് നിന്ന് 29 പോയിന്റുള്ള സിറ്റിക്കുമീതെയെത്തിയ മൈക്കല് അര്ട്ടേറ്റയുടെ ടീം 30 പോയിന്റ് നേടിയാണ് മുന്നിലെത്തിയത്.
പന്തുമായി കുതിച്ച ആഴ്സണല് വലത് വിങ്ങര് ബുക്കായോ സാകാ നല്കിയ ക്രോസിനെ അസ്സലൊരു ഹെഡ്ഡറിലൂടെയാണ് ഹാവേര്ട്സ് ഗോളാക്കിമാറ്റിയത്. നിലത്തേക്ക് ഹെഡ് ചെയ്ത ഹാവേര്ട്സ് പന്തിനെ ബ്രെന്റ്ഫോഡ് ഗോളി മാര്ക്ക് ഫ്ളെക്കന്റെ കാലുകള്ക്കിടയിലൂടെ വലയിലെത്തിക്കുകയായിരുന്നു.
ബ്രെന്റ്ഫോഡിന്റെ മൈതാനത്തായിരുന്നു മത്സരം. വിങ്ങര് ഗബ്രിയേല് മാര്ട്ടിനെലിക്ക് പകരക്കാരനായി 79-ാം മിനിറ്റിലാണ് ഹാവേര്ട്സ് കളത്തിലിറങ്ങിയത്. പത്ത് മിനി
റ്റിനകം ലക്ഷ്യം കാണുകയും ചെയ്തു.
