കോട്ടയം: ഗിരിദീപം ഇന്‍ഡോര്‍ സ്റ്റേഡിയത്തില്‍ നടക്കുന്ന മുപ്പതാമത് ഗിരിദീപം അഖിലേന്ത്യാ ഇന്റര്‍ സ്‌കൂള്‍ ബാസ്‌ക്കറ്റ്‌ബോള്‍ ടൂര്‍ണമെന്റിന്റെ ക്വാര്‍ട്ടര്‍ ഫൈനലിന് കളമൊരുങ്ങി. ആതിഥേയരായ ഗിര്‍ദീപം എച്ച്എസ്എസിനൊപ്പം സെന്റ് ആന്‍സ് എച്ച്എസ്എസ് കുര്യനാട്, ലിറ്റില്‍ ഫ്‌ലവര്‍ കോണ്‍വെന്റ് എച്ച്എസ്എസ് കൊരട്ടി, എസ്എച്ച് പബ്ലിക് സ്‌കൂള്‍ കിളിമല, ഫാ. ആഗ്‌നല്‍ മുംബൈ, സില്‍വര്‍ ഹില്‍ എച്ച്എസ്എസ് കോഴിക്കോട് ലൂര്‍ദ് പബ്ലിക് സ്‌കൂള്‍ കോട്ടയം, ഓക്‌സ്‌ഫോര്‍ഡ് സെന്‍ട്രല്‍ സ്‌കൂള്‍ കൊല്ലം എന്നിവ ആണ്‍കുട്ടികളില്‍ അവസാന എട്ടില്‍ പ്രവേശിച്ചു.
പെണ്‍കുട്ടികളുടെ ക്വാര്‍ട്ടര്‍ ഫൈനലില്‍ സെന്റ് ജോസഫ്‌സ് ജിഎച്ച്എസ്എസ് സേലം, സ്‌പോര്‍ട്‌സ് ഡിവിഷന്‍ കണ്ണൂര്‍, ലിറ്റില്‍ ഫ്‌ലവര്‍ കോണ്‍വെന്റ് എച്ച്എസ്എസ് കൊരട്ടി, സെന്റ് ഗൊറെറ്റിസ് എച്ച്എസ്എസ് നാലാഞ്ചിറ, ഹോളി ക്രോസ് ആംഗ്ലോ ഇന്ത്യന്‍ സ്‌കൂള്‍ തൂത്തുക്കുടി, മൗണ്ട് കാര്‍മല്‍ കോട്ടയം, സേക്രഡ് ഹാര്‍ട്ട് എച്ച്എസ്എസ് തേവര, ഓക്‌സ്‌ഫോര്‍ഡ് സെന്‍ട്രല്‍ സ്‌കൂള്‍ കൊല്ലം എന്നിവര്‍ പ്രവേശിച്ചു.
ആണ്‍കുട്ടികളുടെ സ്‌പോര്‍ട്‌സ് വിഭാഗത്തില്‍ സെന്റ് എഫ്രേംസ് മാന്നാനം സെന്റ് ജോസഫ് എച്ച്എസ്എസ് പുളിക്കുന്നിനെ നേരിടുമ്പോള്‍, രണ്ടാം സെമിയില്‍ നാടാര്‍ സരസ്വതി എച്ച്എസ്എസ്, തേനി സെന്റ് ജോസഫ് എച്ച്എസ്എസ് തിരുവനന്തപുരത്തെ നേരിടും.
ആണ്‍കുട്ടികളുടെ സിബിഎസ്ഇ ഡിവിഷന്‍ സെമിയില്‍ ആതിഥേയരായ ഗിരിദീപം സെന്‍ട്രല്‍ സ്‌കൂള്‍ ഡോണ്‍ ബോസ്‌കോ സെന്‍ട്രല്‍ സ്‌കൂള്‍ പുതുപ്പള്ളിയെയും മൗണ്ട് കാര്‍മല്‍ വിദ്യാ എന്‍കേതന്‍ കുറവിലങ്ങാട് ഡി പോള്‍ പബ്ലിക് സ്‌കൂളിനെയും നേരിടും.
പ്രതികരിക്കാൻ ഇവിടെ എഴുതുക