തിരുവനന്തപുരം: പ്രശസ്ത വയലിനിസ്റ്റും വയലിൻ അദ്ധ്യാപകനുമായ ബി ശശികുമാർ അന്തരിച്ചു. 74 വയസായിരുന്നു. ശനിയാഴ്ച രാത്രി ഏഴരയോടെ ജഗതിയിലെ വർണത്തിലായിരുന്നു അന്ത്യം. അന്തരിച്ച വയലിനിസ്റ്റ് ബാലഭാസ്കർ അനന്തരവനാണ്.
ആകാശവാണി ആർട്ടിസ്റ്റായിരുന്ന ശശികുമാറിന് നിരവധി ശിഷ്യരുണ്ടായിരുന്നു.മലയാളം, തമിഴ് കീർത്തനങ്ങളും ആകാശവാണിക്ക് വേണ്ടി നാടകങ്ങളും രചിച്ചിട്ടുണ്ട്. കേന്ദ്ര സംഗീത അക്കാദമിയുടെ പുരസ്കാരവും കേരള സംഗീത-നാടക അക്കാദമി ഫെല്ലോഷിപ്പും സ്വന്തമാക്കിയിട്ടുണ്ട്.
