കൊച്ചി: മലയാളിക്ക് പണിയെടുക്കാൻ മടിയെന്ന് കേരള ഹൈക്കോടതി. കഠിനാധ്വാനം ചെയ്യാന് തയ്യാറല്ലെന്നും കുടിയേറ്റ തൊഴിലാളികള് സംസ്ഥാനത്തിന്റെ വികസനത്തിന് നല്കിയ സംഭാവനകള് വലുതാണെന്നും കോടതി പറഞ്ഞു. മലയാളികള് ഈഗോ വെച്ചുപുലര്ത്തുന്നവരാണെന്നും ജസ്റ്റിസ് ദേവന് രാമചന്ദ്രൻ പറഞ്ഞു.
രജിസ്റ്റര് ചെയ്യാത്ത ഇതര സംസ്ഥാന കുടിയേറ്റ തൊഴിലാളികളെ നെട്ടൂരിലെ ഹോള്സെയില് മാര്ക്കറ്റില് നിന്ന് നിന്ന് ഒഴിപ്പിക്കണമെന്ന് ആവശ്യപ്പെട്ട് നല്കിയ ഹര്ജി പരിഗണിക്കുമ്പോഴാണ് ജസ്റ്റിസ് ദേവന് രാമചന്ദ്രന്റെ പരാമര്ശം.
ഇതര സംസ്ഥാന കുടിയേറ്റ തൊഴിലാളികള്ക്ക് ഈ പ്രദേശം കൈവശപ്പെടുത്താന് അധികാരമുണ്ടോ എന്നും കോടതി ചോദിച്ചു. കുടിയേറ്റ തൊഴിലാളികള്ക്ക് കോടതി ഒരു തരത്തിലും എതിരല്ല. മലയാളികള് അവരുടെ ഈഗോ കാരണം ജോലി ചെയ്യാന് തയ്യാറല്ല. കുടിയേറ്റ തൊഴിലാളികള് കാരണമാണ് നമ്മള് അതിജീവിക്കുന്നതെന്നും ജസ്റ്റിസ് രാമചന്ദ്രന് പറഞ്ഞു.
