ചാലക്കുടി: കലാഭവന്‍ മണിക്ക് ജന്മനാട്ടില്‍ സ്മാരകം ഉയരുന്നു. എട്ടാമത് ചരമവാര്‍ഷിക ദിനത്തില്‍ നിര്‍മ്മാണ ഉദ്ഘാടനം നടത്തുവാനുള്ള ഒരുക്കത്തിലാണ് അധികൃതര്‍.
വര്‍ഷങ്ങളുടെ കാത്തിരിപ്പിന് ശേഷമാണ് ദേശീയ പാതയോരത്ത് ഹൈസ്‌ക്കൂള്‍ ഗ്രൗണ്ടിന്റെ 20 സെന്റ് സ്ഥലത്താണ് സ്മാരകം നിര്‍മ്മിക്കുന്നത്. 15 സെന്റ് സ്ഥലം കൂടി സ്മാരകത്തിന്റെ നിര്‍മ്മാണത്തിനായി സര്‍ക്കാരില്‍ നിന്ന് ലഭിക്കേണ്ടതുണ്ട്. ഡിപിആര്‍ തയ്യാറാക്കി സാങ്കേതിക അനുമതി ലഭിച്ചാല്‍ നിര്‍മ്മാണ ജോലികള്‍ ആരംഭിക്കും.
കരാര്‍ ഏറ്റെടുത്ത ഊരാളുങ്കല്‍ സൊസൈറ്റിക്ക് കേരള ഫോക്‌ലോര്‍ അക്കാദമി നിര്‍മ്മാണ ചുമതല കൈമാറിയതായും മറ്റു നടപടികള്‍ പൂര്‍ത്തിയായി വരികയാണെന്നും അധികൃതര്‍ അറിയിച്ചു. ആറായിരം ചതുരശ്രയടി വിസ്തീര്‍ണ്ണത്തില്‍ ഏറ്റവും ആധുനിക രീതിയില്‍ മനോഹരമായ സ്മാരകമാണ് ജന്മനാട്ടില്‍ കലാഭവന്‍ മണിക്കായി ഉയരുന്നത്.
പ്രതികരിക്കാൻ ഇവിടെ എഴുതുക