കോഴിക്കോട് : നവകേരള സദസ്സിനോടനുബന്ധിച്ച് സര്‍ക്കാര്‍ നിയന്ത്രണത്തിലുള്ള സ്ഥാപങ്ങളില്‍ ദീപാലങ്കാരം നടത്തണമെന്ന് കൊയിലാണ്ടി നഗരസഭ. നവംബര്‍ 23 മുതല്‍ 25 വരെ മൂന്ന് ദിവസങ്ങളിലായി ദീപം തെളിയിക്കാനാണ് നഗരസഭ ആവശ്യപ്പെട്ടത്. ഇതുസംബന്ധിച്ചുള്ള ഉത്തരവ് സ്ഥാപന മേധാവികള്‍ക്ക് നഗരസഭ കൈമാറിയിട്ടുണ്ട്.
നവംബര്‍ 25-ന് കൊയിലാണ്ടി സ്റ്റേഡിയത്തിലാണ് മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സ് നടക്കുന്നത്. ഇതിനോടനുബന്ധിച്ച് സര്‍ക്കാര്‍ സ്ഥാപനങ്ങളിലും സര്‍ക്കാര്‍ നിയന്ത്രണത്തിലുള്ള സ്ഥാപനങ്ങളിലും സ്ഥാപനത്തിന് മുന്‍വശത്ത് ദീപാലങ്കാരങ്ങള്‍ തൂക്കി ഭംഗിയാക്കണമെന്നും അലങ്കാരങ്ങളെല്ലാം ഹരിതചട്ടം പാലിച്ചുള്ളവയാകണം.
സ്ഥാപനത്തിന്റെ മുന്‍വശവും പരിസരവും വൃത്തിയായി സൂക്ഷിക്കണമെന്നുമാണ് നഗരസഭയുടെ ഉത്തരവില്‍ പറയുന്നത്. പരിപാടിയുടെ സന്ദേശം എല്ലാവരിലേക്കും എത്തിക്കുന്നതിനായാണ് ദീപാലങ്കാരം നടത്തുന്നതെന്നാണ് നഗരസഭാ സംഘാടകസമിതിയുടെ ഉത്തരവില്‍ പറയുന്നത്
.
പ്രതികരിക്കാൻ ഇവിടെ എഴുതുക: