കോട്ടയം: കോടിമാതയില് കെഎസ്ആര്ടിസി ബസിന്റെ ഹെഡ് ലൈറ്റ് അടിച്ചു തകര്ത്ത് സ്ത്രീകള്. തിരുവനന്തപുരത്തുനിന്ന് മലപ്പുറത്തേക്ക് പോയ ബസിനു നേരെയാണ് അക്രമം.
നാലുവരി പാതയില് കാറില് എത്തിയ സ്ത്രീകളാണ് ആക്രമണം നടത്തിയത്. ബസ് കാറിനെ മറികടന്നപ്പോള് കാറിന്റെ മിററില് തട്ടിയിരുന്നു. ഇതിന് പിന്നാലെയാണ് കാറില് നിന്നും ലിവര് എടുത്ത ശേഷം ബസ് തകര്ത്തത്.
അക്രമത്തിന് ശേഷം സ്ത്രീകള് കാറില് രക്ഷപ്പെട്ടു. ആലപ്പുഴ രജിസ്ട്രേഷന് കാറിലാണ് സ്ത്രീകള് സഞ്ചരിച്ചിരുന്നത്. വാഹന രജിസ്ട്രേഷന് നമ്പറില് നിന്നും ഇവരുടെ ഫോണ് നമ്പര് കണ്ടെത്തി പൊലീസ് സ്റ്റേഷനിലെത്താന് ആവശ്യപ്പെട്ടിട്ടുണ്ട്.
ജന്മഭൂമി ഓണ്ലൈന്