കൊല്ലം : സിപിഐ നേതാവും കരുനാഗപ്പള്ളി മുന്‍ എംഎല്‍എയുമായ ആര്‍. രാമചന്ദ്രന്‍(75) അന്തരിച്ചു. പുലര്‍ച്ചെ 3.55നു കൊച്ചി അമൃത ആശുപത്രിയില്‍വെച്ചായിരുന്നു അന്ത്യം. കരള്‍ രോഗത്തെതുടര്‍ന്ന് ദീര്‍ഘനാളായ ചികിത്സയിലായിരുന്നു. കഴിഞ്ഞ ദിവസം ആരോഗ്യനില വഷളാകുകയായിരുന്നു.
കൊല്ലം ജില്ലയിലെ സിപിഐയുടെ മുതിര്‍ന്ന നേതാവാണ്. നേരത്തെ സിപിഐ കൊല്ലം ജില്ല സെക്രട്ടറിയായും പ്രവര്‍ത്തിച്ചിട്ടുണ്ട്. കഴിഞ്ഞ തെരഞ്ഞെടുപ്പില്‍ കരുനാഗപ്പള്ളിയില്‍ നിന്നും മത്സരിച്ചെങ്കിലും സി.ആര്‍. മഹേഷിനോട് പരാജയപ്പെട്ടു. അസുഖം മൂര്‍ഛിച്ചതോടെയാണ് രാമചന്ദ്രന്‍ പൊതുപ്രവര്‍ത്തനത്തില്‍നിന്ന് വിട്ടുനിന്നത്.
മൃതദേഹം ഇന്ന് രാവിലെ തന്നെ കൊല്ലത്തേക്ക് കൊണ്ടുപോകും. കൊല്ലം സിപിഐ ജില്ല കമ്മിറ്റി ഓഫീസില്‍ പൊതുദര്‍ശനത്തിന് വെയ്‌ക്കും. ശേഷം ബുധനാഴ്ചയായിരിക്കും സംസ്‌കാരം.
പ്രതികരിക്കാൻ ഇവിടെ എഴുതുക: