കടയിലെത്തിയ 17-കാരിയെ ചുംബിച്ചു; 47-കാരന് മൂന്നുവർഷം കഠിനതടവും 10,000 രൂപ പഴിയും

കോഴിക്കോട്: ബാഗ് നന്നാക്കുന്നതിന് കടയിലെത്തിയ 17-കാരിയുടെ കവിളിൽ ചുംബിച്ച് ലൈംഗികാതിക്രമം നടത്തിയ കേസിൽ പ്രതിക്ക് തടവും പിഴയും വിധിച്ച് കോടതി. പാനൂർ കൈവേലിക്കൽ ചക്കരച്ചാൻകണ്ടിയിൽ സികെ സജുവിനെയാണ് ശിക്ഷിച്ചത്. തലശ്ശേരി അതിവേഗ പ്രത്യേക കോടതി ജഡ്ജി ടിറ്റി ജോർജ് ആണ് ശിക്ഷ വിധിച്ചത്.

മൂന്ന് വർഷത്തെ കഠിനതടവും 10,000 രൂപ പിഴയുമാണ് ശിക്ഷ വിധിച്ചത്. പിഴ അടയ്‌ക്കാത്ത പക്ഷം മൂന്ന് മാസം കൂടി തടവ് അനുഭവിക്കണം. പാനൂർ പൂക്കോത്തെ ബാഗ് നന്നാക്കുന്ന കടയിൽ 2018 ജൂലൈ അഞ്ചിന് ഉച്ചയ്‌ക്ക് രണ്ടരയോടെയായിരുന്നു സംഭവം.