വീണ്ടും ജനവാസ മേഖലയിലിറങ്ങി പടയപ്പ; പരിഭ്രാന്തിയിൽ പ്രദേശവാസികൾ

ഇടുക്കി: ജനവാസ മേഖലയിൽ ഭീതി വിതച്ച് പടയപ്പ. മൂന്നാറിലെ ലോക്കാഹാർട്ട് എസ്‌റ്റേറ്റിലാണ് കാട്ടാന വീണ്ടും കടന്നത്. നിലവിൽ കൊച്ചി-ധനുഷ്‌കോടി ദേശീയപാതയ്‌ക്ക് സമീപമാണ് ആന തമ്പടിച്ചിരിക്കുന്നത്.

ആനയെ തുരത്തുന്നതിനുള്ള ശ്രമത്തിലാണ് വനംവകുപ്പ് ഉദ്യോഗസ്ഥരും പ്രദേശവാസികളും. കഴിഞ്ഞ രണ്ട് ദിവസത്തോളമായി ലോക്ക്ഹാർട്ട് എസ്‌റ്റേറ്റിൽ പടയപ്പ ഭീതിയിലാഴ്‌ത്തിയിരിക്കുകയാണ്. തൊഴിലളികളുടെ ലയങ്ങൾ, സമീപ പ്രദേശങ്ങളിലെ വാഴ, പച്ചക്കറി കൃഷികൾ എന്നിവ കാട്ടാന നശിപ്പിച്ചു.