പത്തനംതിട്ട : യൂത്ത് കോണ്ഗ്രസ് സംസ്ഥാന ജനറല് സെക്രട്ടറിയുടെ വീട്ടില് നിന്ന് കഞ്ചാവ് പിടിച്ചെടുത്ത സംഭവത്തിന്റെ പശ്ചാത്തലത്തില് പത്തനംതിട്ടയിലെ പരിപാടിയില് നിന്ന് രമേശ് ചെന്നിത്തല വിട്ടുനിന്നു. ജില്ലയില് ചെന്നിത്തലയുടെ വിശ്വസ്തനായ നഹാസിന്റെ വീട്ടില് നിന്നാണ് കഴിഞ്ഞ ദിവസം കഞ്ചാവ് പിടിച്ചത്.
ഇതോടെ നഹാസ് നേതൃത്വം നല്കുന്ന ശബരിമല ഹെല്പ് ഡസ്കിന്റെ ഉദ്ഘാടനം ചെന്നിത്തല ഒഴിവാക്കി.ഹരിപ്പാട് ഒഴിവാക്കാനാകാത്ത പരിപാടികള് ഉള്ളതിനാലാണ് പത്തനംതിട്ടയിലെ പരിപാടി മാറ്റിവച്ചതെന്നാണ് കോണ്ഗ്രസ് പറയുന്നത്. എന്നാല് തിരുവല്ലയിലെ പരിപാടി രമേശ് ചെന്നിത്തല തന്നെ ഉദ്ഘാടനം ചെയ്യും.
അതിനിടെ യൂത്ത് കോണ്ഗ്രസ് സംസ്ഥാന സെക്രട്ടറിയുടെ വീട്ടില്നിന്ന് കഞ്ചാവ് പിടികൂടിയത് ഗൗരവമുള്ള കാര്യമാണെന്ന് ഡിവൈഎഫ്ഐ സംസ്ഥാന അധ്യക്ഷന് വി വസീഫ് പറഞ്ഞു. കോണ്ഗ്രസ് നേതൃത്വം ഇക്കാര്യത്തില് മറുപടി പറയണമെന്നും അദ്ദേഹം പറഞ്ഞു.
