അഹമ്മദാബാദ് : നരേന്ദ്ര മോദി സ്റ്റേഡിയത്തില്‍ നടക്കുന്ന ഇന്ത്യ-ഓസ്ട്രേലിയ ലോകകപ്പ് ഫൈനല്‍ മത്സരത്തിനിടെ സുരക്ഷാ വീഴ്ച. പാലസ്തീന്‍ പതാകയുമായി മൈതാനത്തിലിറങ്ങിയ യുവാവ് ഓടിയെത്തി വിരാട് കോ ഹ്‌ലിയെ ആലിംഗനം ചെയ്തു.
മത്സരത്തിന്റെ 14-ാം ഓവറിലാണ് സംഭവം.’ഫ്രീ പലസ്തീന്‍’ ടീ-ഷര്‍ട്ട് ധരിച്ചെത്തിയ ആരാധകന്‍ മൈതാനത്തിറങ്ങി ഓടിയെത്തി കോഹ് ലിയെ കെട്ടിപ്പിടിക്കുകയായിരുന്നു. യുവാവിനെ മൈതാനത്ത് നിന്ന് പുറത്താക്കിയ ശേഷമാണ് മത്സരം പുനരാരംഭിച്ചത്. ഇയാളെ പൊലീസ് അറസ്റ്റ് ചെയ്തു.
ലോകകപ്പിനോടനുബന്ധിച്ച് അഹമ്മദാബാദിലും നരേന്ദ്ര മോദി സ്റ്റേഡിയത്തിലും 6,000-ത്തിലധികം സുരക്ഷാ ഉദ്യോഗസ്ഥരെ വിന്യസിച്ചിട്ടുണ്ടെന്നാണ് റിപ്പോര്‍ട്ട്.
പ്രതികരിക്കാൻ ഇവിടെ എഴുതുക: