ബംഗളുരു : മുഖ്യമന്ത്രി പിണറായി വിജയനും മന്ത്രിമാരും ശനിയാഴ്ച മുതല് നടത്തുന്ന നവകേരള സദസിനുള്ള ആഢംബര ബസ് രാത്രിയോടെ കാസര്കോടെത്തും. ബെംഗളൂരുവില് നിര്മാണം പൂര്ത്തിയായ ബസ് ലാല്ബാഗിലെ എസ്എം കണ്ണപ്പ ഓട്ടോമൊബൈല്സില് നിന്ന് കേരളത്തിലേക്ക് പുറപ്പെട്ടു.
മാണ്ഡ്യയിലെ ഫാക്ടറിയിലാണ് ആഢംബര ബസ് നിര്മ്മിച്ചത്. ബസ് നിര്മ്മിക്കാന് ഒരു കോടി രൂപ ചെലവിട്ടിരുന്നു.ഈ മാസം 18 മുതല് ഡിസംബര് 24 വരെയാണ് നവകേരള സദസ് സംഘടിപ്പിക്കുന്നത്.
ശനിയാഴ്ച ഉച്ചതിരിഞ്ഞ് 3.30 ന് മഞ്ചേശ്വരം പൈവെളിഗെ സര്ക്കാര് ഹയര് സെക്കന്ഡറി സ്കൂളിലാണ് സംസ്ഥാനതല ഉദ്ഘാടനം. 140 നിയോജകമണ്ഡലങ്ങളിലും നവ കേരള സദസ് സംഘടിപ്പിക്കും. വിവാദങ്ങള്ക്കിടെ നടത്തുന്ന നവകേരള സദസിന്റെ ഭാഗമായി മുഖ്യമന്ത്രിയും മുഴുവന് മന്ത്രിമാരും സംസ്ഥാനം മുഴുവന് സഞ്ചരിക്കും.
