പാലക്കാട്: വികസിത് ഭാരത് സങ്കല്‍പ് യാത്രയുടെ പാലക്കാട് ജില്ലയിലെ പരിപാടികള്‍ പുരോഗമിക്കുന്നു. ഇന്ന് രാവിലെ ചിറ്റൂര്‍ ബ്ലോക്കിലെ എലപ്പുള്ളിയിലെ പാറ ജംഗ്ഷനില്‍ നടന്ന പരിപാടി എലപ്പുള്ളി പഞ്ചായത്ത് പ്രസിഡന്റ് രേവതി ബാബു ഉല്‍ഘാടനം ചെയ്തു.
സര്‍ക്കാര്‍ പദ്ധതികള്‍ താഴെ തട്ടില്‍ എത്തിക്കാന്‍ പ്രാദേശിക ഭരണകൂടങ്ങളുടെ സഹായം കൂടി ഉറപ്പാക്കണമെന്ന് അവര്‍ പറഞ്ഞു. പി.എം ഉജ്വല യോജന പദ്ധതിയിലെ ഗ്യാസ് കണക്ഷനുകള്‍ പഞ്ചായത്ത് പ്രസിഡന്റ് വിതരണം ചെയ്തു.
പരിപാടിയില്‍ വിവിധ കേന്ദ്ര വികസന, സാമൂഹിക സുരക്ഷാ പദ്ധതികള്‍ ജനങ്ങള്‍ക്ക് പരിചയപ്പെടുത്തി ബാങ്കുകളും, കേന്ദ്ര പൊതു മേഖലാ സ്ഥാപനങ്ങളും സ്റ്റാളുകള്‍ ഒരുക്കിയിരുന്നു.
എലപ്പുള്ളി പഞ്ചായത്ത് വൈസ് പ്രസിഡന്റ് സുനില്‍കുമാര്‍, വാര്‍ഡ് മെമ്പര്‍ സന്തോഷ് , ജില്ലാ ലീഡ് ബാങ്ക് മാനേജര്‍ ശ്രീനാഥ് തുടങ്ങിയവര്‍ സംസാരിച്ചു.ഇന്ന് വൈകീട്ട് കൊല്ലങ്കോട് ബ്ലോക്കിലെ പുതുനഗരത്തും വികസിത് ഭാരത് സങ്കല്‍പ് യാത്ര പരിപാടി നടക്കും
പ്രതികരിക്കാൻ ഇവിടെ എഴുതുക: