ന്യൂദല്ഹി: ബിജെപിയുടെ തെരഞ്ഞെടുപ്പ് പ്രചാരണം അറിയാനും കാണാനുമായി മൂന്നംഗ വിദേശ നയതന്ത്ര പ്രതിനിധി സംഘം ഇന്ഡോറില്. പതിനേഴ് വരെ വിവിധ കേന്ദ്രങ്ങളില് അവര് ബിജെപി പ്രചാരണത്തെ അറിയാന് യാത്ര ചെയ്യും.
ഓസ്ട്രേലിയന് ഹൈക്കമ്മിഷനിലെ സെക്കന്ഡ് സെക്രട്ടറി മൈക്കല് റീസ്, ടാന്സാനിയന് ഹൈക്കമ്മിഷനിലെ സെക്രട്ടറി ബാസില് എം ലിയാക്കിനാന, ജാപ്പനീസ് എംബസിയിലെ സെക്കന്ഡ് സെക്രട്ടറി മയൂമി സുബാകിമോട്ടോ എന്നിവരാണ് ഇന്നലെ ഇന്ഡോറിലെത്തിയത്.
നേപ്പാള്, ഓസ്ട്രേലിയ, ന്യൂസിലന്ഡ്, ഡെന്മാര്ക്ക്, സിംഗപ്പൂര് എന്നീ രാജ്യങ്ങളില് നിന്നുള്ള നയതന്ത്ര പ്രതിനിധികള് ഉള്പ്പെടുന്ന പ്രതിനിധി സംഘം 2022 നവംബര്, ഡിസംബര് മാസങ്ങളില് ഹിമാചല് പ്രദേശിലും ഗുജറാത്തിലും പാര്ട്ടിയുടെ തെരഞ്ഞെടുപ്പ് പ്രചാരണം നിരീക്ഷിക്കാന് സന്ദര്ശിച്ചിരുന്നുവെന്ന് ബിജെപി പറഞ്ഞു.
43-ാം സ്ഥാപക ദിനത്തില് പാര്ട്ടി ദേശീയ അധ്യക്ഷന് ജെ.പി. നദ്ദ ആരംഭിച്ച ‘ബിജെപിയെ അറിയുക’ പദ്ധതിയുടെ ഭാഗമാണ് പരിപാടി.
