കൊച്ചി : ആലുവ കേസില്‍ ഇന്ന് വിധി പ്രസ്താവന നടത്താനിരിക്കേ പെണ്‍കുട്ടിയുടെ കുഴിമാടത്തില്‍ തിരിതെളിച്ച് മാതാപിതാക്കള്‍. പെണ്‍കുട്ടിയുടെ സഹോദരങ്ങളും പരിസരവാസികളും സ്ഥലത്തെത്തുകയും പ്രീയപ്പെട്ടവള്‍ക്കായി പൂക്കളും അര്‍പ്പിച്ചു. ചൊവ്വാഴ്ച വിധി പ്രസ്താവന പുറത്തുവരാനിരിക്കേ തിങ്കളാഴ്ച രക്ഷിതാക്കള്‍ പെണ്‍കുട്ടി അന്ത്യ വിശ്രമം കൊള്ളുന്ന കീഴ്മാട് പൊതുശ്മാശനത്തില്‍ എത്തിയത്. കുഴിമാടത്തിനരികെ വിതുമ്പിയ മാതാപിതാക്കളെ ആശ്വസിപ്പിക്കാനാകാതെ കൂടെയെത്തിയവരും കുഴങ്ങി. കുഴിമാടത്തിനരില്‍ പടര്‍ന്നു പിടിച്ച പുല്ലും ഇലകളുമെല്ലാം നീക്കം ചെ.യ്ത് തിരി തെളിയിച്ച ശേഷമാണ് ഇവര്‍ നടങ്ങിയത്.
മകള്‍ക്ക് നീതി ലഭിക്കുന്നതിനായി ക്രൂരകൃത്യം ചെയ്ത അസ്ഫാക് ആലത്തിന് പരമാവധി ശിക്ഷ ലഭിക്കണമെന്ന ആഗ്രഹത്തോടെ കുഴിമാടത്തിനരികില്‍നിന്ന് പ്രാര്‍ത്ഥിച്ചശേഷമാണ് മാതാപിതാക്കള്‍ ഇവര്‍ മടങ്ങിയ്. ചൊവ്വാഴ്ച വിധി പ്രസ്താവന കേള്‍ക്കുനന്തിനായി ഇരുവരും കോടതിയില്‍ എത്തിയിട്ടുണ്ട്. വിധി പ്രസ്താവനയ്‌ക്കായി പ്രതി അസഫാക്ക് ആലത്തിനെ ആലുവയിലെ ജയിലില്‍ നിന്നും കോടതിയില്‍ എത്തിച്ച്ിട്ടുണ്ട്. പ്രതിക്കെതിരെ 13 വകുപ്പുകളിലാണ് എറണാകുളം പോക്‌സോ കോടതി അസ്ഫാക് ആലം കുറ്റക്കാരനെന്ന് കണ്ടെത്തിയത്. എറണാകുളം പോക്‌സോ കോടതി ജഡ്ജി കെ സോമനാണ് വിധി പറയുക.
