ഇസ്ലാമാബാദ്: 2008ലെ മുംബൈ ഭീകരാക്രമണത്തിന്റെ സൂത്രധാരന് മുഹമ്മദ് ഉസ്മാന്റെ മകന് മുഹമ്മദ് അസ്ഗറിനെ അജ്ഞാതര് തട്ടിക്കൊണ്ടുപോയി. പാക് അധീന കശ്മീരില് നിന്നാണ് മുഹമ്മദ് അസ്ഗറിനെ കടത്തിക്കൊണ്ടു പോയത്.
മുത്തഹിദ ജിഹാദ് കൗണ്സില് മുന് മേധാവിയായ മുഹമ്മദ് ഉസ്മാന് ആഗോള ഭീകരന് ഹാഫിസ് സെയ്ദിന്റെ അടുത്ത സുഹൃത്തുക്കളില് ഒരാളാണ്. ഐഎസിന്റെ നിര്ദേശപ്രകാരം യൂറോപ്പില് ഭീകരാക്രമണം നടത്താന് പോയ മുഹമ്മദ് ഉസ്മാന് നിലവില് ഫ്രാന്സിലെ ജയിലിലാണ്.
അസ്ഗറിനായി പാക് സൈന്യം തെരച്ചില് ആരംഭിച്ചിട്ടുണ്ട്. ഹമാസിന് വേണ്ടി യുദ്ധം ചെയ്യാന് ഗാസയില് പോയ ലഷ്കര് ഭീകരന് ആമീന് ഖ്വസ്മിയെ കഴിഞ്ഞ ദിവസം അജ്ഞാതര് കൊലപ്പെടുത്തിയിരുന്നു.
