കൊച്ചി : ചലച്ചിത്ര നടനും മിമിക്രി താരവുമായ കലാഭവന് മുഹമ്മദ് ഹനീഫ്(58) അന്തരിച്ചു. കലാഭവന് ട്രൂപ്പിലെ പ്രധാന മിമിക്രി താരമായിരുന്നു.
എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം. ശ്വാസ കോശ അണുബാധയെ തുടര്ന്ന് ഏതാനും ദിവസങ്ങളായി ചികിത്സയിലായിരുന്നു. നാളെ മട്ടാഞ്ചേരിയിലാണ് സംസ്കാരം.
നാടകത്തിലൂടെയാണ് ഹനീഫ് കലാഭവനിലെത്തിയത്. നിരവധി സിനിമകളില് അഭിനയിച്ചിട്ടുണ്ട്. ഹാസ്യ പരിപാടികളിലും പങ്കെടുത്തിട്ടുണ്ട്.
എറണാകുളം മട്ടാഞ്ചേരിയില് ഹംസയുടെയും സുബൈദയുടെയും മകനാണ് മുഹമ്മദ് ഹനീഫ്. പഠന ശേഷം സെയില്സ്മാനായി ജോലിചെയ്തിരുന്നതിനൊപ്പം നാടകങ്ങളിലും അഭിനയിച്ചിരുന്നു.
