കായംകുളം: മത്സ്യ പ്രവര്‍ത്തക സഹകരണ സംഘം അഴിമതിയില്‍ സമഗ്രമായ അന്വേഷണം നടത്തുന്നതിന് ഇടപെടുമെന്ന് ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ പറഞ്ഞു. പിണറായി സര്‍ക്കാരിന്റെ അഴിമതിഭരണത്തിനെതിരെയും തീരദേശവാസികളോടുള്ള അവഗണനയ്‌ക്കെതിരെയും തീരദേശ മേഖലയില്‍ നടപ്പാക്കേണ്ട കേന്ദ്ര പദ്ധതികള്‍ തുരങ്കം വയ്‌ക്കുന്നതിനെതിരെയും ബിജെപി ആലപ്പുഴ ജില്ലാ പ്രസിഡന്റ് എം.വി.ഗോപകുമാര്‍ നയിക്കുന്ന തീരദേശ യാത്ര അഴീക്കലില്‍ ഉദ്ഘാടനം ചെയ്യുകയായിരുന്നു കെ. സുരേന്ദ്രന്‍.
ഏതൊരു സര്‍ക്കാരായാലും അടിയന്തരമായി സുരക്ഷിതത്വം ഉറപ്പാക്കുക എന്നതാണ് പ്രധാനം. രാജ്യത്തൊട്ടാകെയുള്ള തീരദേശങ്ങളില്‍ ഒരു സുരക്ഷയും ഇല്ലാത്തത് കേരളത്തിലാണെന്ന് അദ്ദേഹം പറഞ്ഞു.
യോഗത്തില്‍ കാര്‍ത്തികപ്പള്ളി മണ്ഡലം ജനറല്‍ സെക്രട്ടറി ഹരികൃഷ്ണന്‍ സ്വാഗതം പറഞ്ഞു. മണ്ഡലം പ്രസിഡന്റ് മഹേഷ് കുമാര്‍ അദ്ധ്യക്ഷനായി, സംസ്ഥാന സെക്രട്ടറി പന്തളം പ്രതാപന്‍, ദേശീയ കൗണ്‍സില്‍ അംഗം വെള്ളിയാംകുളം പരമേശ്വരന്‍, ദക്ഷിണമേഖല പ്രസിഡന്റ് കെ. സോമന്‍, ദക്ഷിണമേഖല സെക്രട്ടറി ബി. കൃഷ്ണകുമാര്‍, പി.കെ. വാസുദേവന്‍, പാറയില്‍ രാധാകൃഷ്ണന്‍, പാലമുറ്റത്ത് വിജയകുമാര്‍, അഡ്വ. ഹരിഗോവിന്ദ്, ജില്ലാ സെക്രട്ടറി വിനോദ്, തുടങ്ങിയവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: