തിരുവനന്തപുരം : സംസ്ഥാനത്തെ മെഡിക്കല് കോളേജുകളിലെ പിജി മെഡിക്കല്, ഡെന്റല് വിദ്യാര്ത്ഥികളും ഹൗസ് സര്ജന്മാരും പണിമുടക്കില്. സ്റ്റൈപ്പന്ഡ് വര്ധിപ്പിക്കുക, പി.ജി. വിദ്യാര്ത്ഥികളുടെ നിര്ബന്ധിത ബോണ്ടില് അയവ് വരുത്തുക, സീനിയര് റസിഡന്സി സീറ്റുകള് കൂട്ടുക തുടങ്ങിയ ആവശ്യങ്ങള് ഉന്നയിച്ചാണ് സമരം. പ്രശ്നങ്ങള് പഠിക്കാന് രൂപീകരിച്ച സമിതി, പ്രവര്ത്തന സജ്ജമാക്കണമെന്നും മെഡിക്കല് വിദ്യാര്ത്ഥികള് ആവശ്യപ്പെട്ടു.
ജോയിന്റ് ആക്ഷന് കമ്മിറ്റിയുടെ നേതൃത്വത്തില് രാവിലെ എട്ട് മുതല് വ്യാഴാഴ്ച രാവിലെ എട്ട് വരെയാണ് സമരം. അത്യാഹിത വിഭാഗങ്ങളില് ഉള്പ്പടെ ബഹിഷ്കരിക്കുമെന്ന് സമരസമിതി അറിയിച്ചിട്ടുണ്ട്. റസിഡന്റ് ഡോക്ടര്മാര് കൂട്ടത്തോടെ പണിമുടക്കുന്നതിനാല് ആശുപത്രികളുടെ പ്രവര്ത്തനങ്ങള് ഭാഗികമായി തടസ്സപ്പെടാന് സാധ്യതയുണ്ട്.
