ന്യൂദല്‍ഹി: ശ്രീലങ്കയ്‌ക്കെതിരായ മത്സരത്തില്‍ ബംഗ്ലാദേശ് നായകന്‍ ഷാക്കിബ് അല്‍ ഹസന്റെ ടൈംഡ് ഔട്ട് അപ്പീലിനെതിരെ മുന്‍ ഇന്ത്യന്‍ താരം മുഹമ്മദ് കൈഫ്. സ്വകാര്യ ചാനലിന് അനുവദിച്ച ക്രിക്കറ്റ് ചര്‍ച്ചയിലാണ് മുന്‍ ലോകോത്തര ഫീല്‍ഡര്‍ ഷാക്കിബിനെതിരെ തുറന്നടിച്ചത്.
മികച്ചതാരമായ ഷാക്കിബിന്റെ കരിയറിലെ കറുത്ത അധ്യായമായിരിക്കും ആഞ്ചെലോ മാത്യൂസിനെ പുറത്താക്കിയ ടൈംഡ് ഔട്ട് തീരുമാനമെന്ന് കൈഫ് പറഞ്ഞു. കളിക്ക് ശേഷം സ്‌പോര്‍ട്‌സ് ചാനല്‍ അവതാരക അതൊരു തമാശയായിരുന്നില്ലേന്ന് ചോദിച്ചപ്പോള്‍- അല്ല, തീരുമാനിച്ചുറപ്പിച്ചതാണെന്നായിരുന്നു ഷാക്കിബിന്റെ മറുപടി. ഇത് വളരെ മര്യാദകെട്ട നിലപാടാണെന്ന് കൈഫ് പ്രതികരിച്ചു.
പ്രതികരിക്കാൻ ഇവിടെ എഴുതുക: