തൃശൂർ: തൃശൂർ നഗരത്തിൽ യുവാവ് കുത്തേറ്റ് മരിച്ചു. ഒളരിക്കര സ്വദേശി ശ്രീരാഗ് (26) ആണ് മരിച്ചത്. ഇയാളുടെ സഹോദരനും കുത്തേറ്റു. രണ്ട് സംഘങ്ങൾ തമ്മിലുള്ള സംഘട്ടനമാണ് കൊലപാതകത്തിലേക്കെത്തിയതെന്നാണ് വിവരം.
ഇന്നലെ രാത്രി 11.30 തോടെയാണ് സംഭവങ്ങള് അരങ്ങേറിയത്. ദിവാൻജിമൂല പാസ്പോർട്ട് ഓഫിസിന് സമീപത്ത് വെച്ചായിരുന്നു യുവാക്കള് പരസ്പരം ഏറ്റുമുട്ടിയത്. മരിച്ച ശ്രീരാഗിന്റെ സഹോദരങ്ങളായ ശ്രീരാജ് , ശ്രീനേഗ് എന്നിവര് മെഡിക്കല് കോളേജ് ആശുപത്രിയില് ചികിത്സയിലാണ്. പ്രതിയായ അൽത്താഫ് എന്നവര് കത്തിക്കുത്തേറ്റ് സഹകരണ ആശുപത്രിയില് ചികിത്സയിലുണ്ട്. ഇതിൽ ശ്രീനേഗിന് കുത്തേറ്റിട്ടുണ്ട്. മറ്റ് രണ്ട് പേർക്ക് അടിപിടിയിലുള്ള പരിക്കാണ്. പരിക്കുകൾ ഗുരുതരമല്ല.
ശ്രീരാഗും സംഘവും തൃശൂർ റെയിൽവേ സ്റ്റേഷൻ രണ്ടാം പ്ലാറ്റ്ഫോമിലിറങ്ങി പുറത്തേക്ക് വരികയായിരുന്നു. ദിവാൻജിമൂല കോളനിക്കുള്ളിലൂടെയാണ് പുറത്തേക്ക് വന്നിരുന്ന ഇവരുടെ കൈയിലുണ്ടായിരുന്ന കവറിനെച്ചൊല്ലിയാണ് തര്ക്കം തുടങ്ങിയത്. അൽത്താഫും സംഘവും ആ കവര് പരിശോധിച്ചതോടെ വാക്കുതർക്കമായി. പിന്നീടത് കത്തിക്കുത്തില് കലാശിച്ചു. ശ്രീരാഗ് സംഭവ സ്ഥലത്ത് വെച്ച് മരിച്ചു.
