ചരിത്രം കുറിച്ച് പഞ്ചാബ്; ബറോഡയെ തോല്‍പ്പിച്ച് ആദ്യമായി സയ്യിദ് മുഷ്താഖ് അലി ട്രോഫി സ്വന്തമാക്കി

മൊഹാലി: ചരിത്രത്തില്‍ ആദ്യമായി സയ്യിദ് മുഷ്താഖ് അലി ട്രോഫി ട്വന്റി20 കിരീടം സ്വന്തമാക്കി പഞ്ചാബ്.

ഇന്നലെ മൊഹാലിയില്‍ നടന്ന ഫൈനലില്‍ ബറോഡയെ 20 റമ്#സിന ്‌തോല്‍പ്പിച്ചു. അന്‍മോല്‍പ്രീതിന്റെ സെഞ്ചുറിയും അര്‍ഷദ്വീപ് സിങ്ങിന്റെ നാല് വിക്കറ്റ് പ്രകടനവും പഞ്ചാബിനെ തുണച്ചു. പഞ്ചാബ് മുന്നില്‍ വച്ച 224 റണ്‍സ് വിജയലക്ഷ്യത്തിലേക്ക് ബാറ്റെടുത്ത ബറോഡയ്‌ക്ക് തുടക്കത്തില്‍ തിരിച്ചടി നേരിട്ടെങ്കിലും പിന്നീട് നിനാദ് റത്വയുടെയും(41) അഭിമന്യു സിങ്ങിന്റെയും(61) മികവില്‍ പിടിമുറുക്കുന്ന കാഴ്ചയാണ് കണ്ടത്. എന്നാല്‍ അര്‍ഷദ്വീപിന്റെ ബോളിങ് മികവില്‍ പഞ്ചാബ് ബറോഡയെ എറിഞ്ഞു നിയന്ത്രിച്ചു. 20 ഓവര്‍ പൂര്‍ത്തിയാകുമ്പോള്‍ ഏഴ് വിക്കറ്റ് നഷ്ടപ്പെട്ട ബറോഡയ്‌ക്ക് 197 റണ്‍സെടുക്കാനേ സാധിച്ചുള്ളൂ. മികച്ച സ്‌കോര്‍ കണ്ടെത്തിയ ബാറ്റര്‍മാരെയെല്ലാം അര്‍ഷദ്വീപ് ആണ് പുറക്കാക്കിയത്.

നേരത്തെ ടോസ് നഷ്ടപ്പെട്ട് ബാറ്റിങ്ങിനിറങ്ങിയ പഞ്ചാബ് അന്മോല്‍പ്രീത് സിങ്(113) നേടിയ അര്‍ദ്ധ സെഞ്ചുറി മികവിലാണ് 20 ഓവറില്‍ നാല് വിക്കറ്റ് നഷ്ടത്തില്‍ 223 റണ്‍സെടുത്തത്. നേഹാല്‍ വദേര(61) പുറത്താകാതെ നിന്നു.