നിയന്ത്രണം വിട്ട കാർ മിനി ക്രെയിനിലേക്ക് ഇടിച്ചു കയറി; വനിതാ ഡോക്ടർക്കും മകൾക്കും പരിക്ക്

തിരുവനന്തപുരം: വെഞ്ഞാറമ്മൂട് നടന്ന അപകടത്തിൽ വനിതാ ഡോക്ടർക്കും മകൾക്കും പരിക്ക്. വാമനപുരം സ്വദേശിനി ഡോ.റീന, മകൾ ഷാരോൺ എന്നിവർക്കാണ് പരിക്കേറ്റത്. നിംസ് ആശുപത്രിയിലെ ഡോക്ടറാണ് റീന. ഇന്ന് പുലർച്ചെ നാല് മണിയോടെയായിരുന്നു സംഭവം. നിയന്ത്രണം വിട്ട കാർ മിനി ക്രെയിനിൽ ഇടിക്കുകയായിരുന്നു.

വെഞ്ഞാറമ്മൂട് ഫെഡറൽ ബാങ്കിന് സമീപമായിരുന്നു അപകടം. നിയന്ത്രണം വിട്ട കാർ റോഡിൽ നിർത്തിയിട്ടിരുന്ന മിനി ക്രെയിനിലേക്ക് പാഞ്ഞ് കയറുകയായിരുന്നു. പരിക്കേറ്റവരെ തിരുവനന്തപുരം എസ്യുടി ആശുപത്രിയിൽ പ്രവേശിപ്പിച്ചു. ഇരുവരുടെയും ആരോഗ്യനില ഗുരുതരമല്ലെന്നാണ് വിവരം.