റായ്പൂര്‍: തെരഞ്ഞെടുപ്പ് ഡ്യൂട്ടിക്കിടെ ഗ്രനേഡ് പൊട്ടിത്തെറിച്ച് ബിഎസ്എഫ് ജവാന്‍ മരിച്ചു. ഛത്തീസ്ഗഡിലെ ദന്തേവാഡ ജില്ലയില്‍ തെരഞ്ഞെടുപ്പ് ഡ്യൂട്ടിക്ക് വിന്യസിച്ച ഒരു അതിര്‍ത്തി സുരക്ഷാ സേനയുടെ കൈവശമുണ്ടായിരുന്ന ഗ്രനേഡാണ് അബദ്ധത്തില്‍ പൊട്ടിത്തെറിച്ചത്. ഹെഡ് കോണ്‍സ്റ്റബിള്‍ ബല്‍ബീര്‍ ചന്ദ് ആണ് മരിച്ചത്.
ബിഎസ്എഫിന്റെ 70-ാം ബറ്റാലിയനിലെ ഒരു സംഘം തെരഞ്ഞെടുപ്പ് ഡ്യൂട്ടിക്കായി കാടേകല്യണ്‍ പോലീസ് സ്റ്റേഷനില്‍ എത്തിയിരുന്നു. പട്രോളിങ്ങിന് പോകാന്‍ തുടങ്ങുമ്പോഴാണ് സ്ഫോടനം ഉണ്ടായത്.
പോലീസ് സ്റ്റേഷന്‍ വളപ്പില്‍ നിന്ന് പട്രോളിങ് സംഘം പു
റത്തേക്ക് പോകുന്നതിനിടെ ബല്‍ബീര്‍ ചന്ദ് ധരിച്ചിരുന്ന ബാഗില്‍ സൂക്ഷിച്ചിരുന്ന ഗ്രനേഡ് പൊട്ടിത്തെറിക്കുകയായിരുന്നു. ഗുരുതരമായി പരിക്കേറ്റ ചന്ദിനെ ദന്തേവാഡ ജില്ലാ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഹിമാചല്‍ പ്രദേശ് സ്വദേശിയാണ് ചന്ദ്. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: