റായ്പൂർ: ഛത്തീസ്ഗഢിലെ രാജ്നന്ദ്ഗാവ് ജില്ലയിലെ മാ ബംലേശ്വരി ക്ഷേത്രത്തിൽ ദർശനം നടത്തി പ്രധാനമന്ത്രി നരേന്ദ്ര മോദി. ജെെനക്ഷേത്രത്തിലെ ആചാര്യൻ വിദ്യാസാഗർ മഹാരാജ് സ്വാമിയെയും അദ്ദേഹം സന്ദർശിച്ചു.
‘ചന്ദ്രഗിരി ജൈന മന്ദിറിൽ ആചാര്യ ശ്രീ വിദ്യാസാഗർ ജി മഹാരാജ് ജിയുടെ അനുഗ്രഹം സ്വീകരിക്കാനായത് അനുഗ്രഹീതമായി കാണുന്നു’, സന്ദർശനത്തിന് പിന്നാലെ നരേന്ദ്ര മോദി എക്സിൽ കുറിച്ചു. അദ്ദേഹത്തിനോടൊപ്പമുള്ള ചിത്രങ്ങളും പ്രധാനമന്ത്രി പങ്കുവെച്ചു. ചന്ദ്രഗിരി ജൈനക്ഷേത്രവും പ്രധാനമന്ത്രി ദർശനം നടത്തിയിരുന്നു.
