തിരുവനന്തപുരം: വരു വര്ഷങ്ങളിലും വൈദ്യുതി നിരക്ക് വര്ധിക്കുമെന്ന് വൈദ്യുതി വകുപ്പ് മന്ത്രി കെ. കൃഷ്ണന്കുട്ടി. റഗുലേറ്ററി കമ്മീഷന് നിശ്ചയിക്കുന്ന രീതിയില് മുന്നോട്ട് പോകാനെ നിര്വാഹമുള്ളൂ. നിരക്ക് വര്ധനയല്ലാതെ മറ്റ് മാര്ഗങ്ങളില്ലെന്നും ജനങ്ങള് ഇതിനായി തയ്യാറാവണമെന്നും മന്ത്രി പറഞ്ഞു.
വിലക്കയറ്റത്തില് പൊറുതിമുട്ടിയ ജനങ്ങള്ക്ക് ഇരുട്ടടിയായി സംസ്ഥാനത്ത് ഇന്നലെയാണ് വൈദ്യുതി നിരക്ക് കൂട്ടിയത്. യൂണിറ്റിന് ശരാശരി 20 പൈസ വരെയാണ് കൂട്ടിയത്. പ്രതിമാസം 40 യൂണിറ്റില് താഴെയുള്ളവര്ക്ക് നിരക്ക് വര്ധന ബാധകമല്ല. 100 യൂണിറ്റ് ഉപയോഗിക്കുന്നവര്ക്ക് 20 ശതമാനം നിരക്ക് വര്ധനയുണ്ടാകും.
