നാഷണൽ കൗൺസിൽ ഓഫ് എജ്യൂക്കേഷണൽ റിസർച്ച് ആൻഡി ട്രെയിനിംഗ് അഥവാ എൻസിഇആർടി നടത്തുന്ന ഗൈഡൻസ് ആൻഡ് കൗൺസിലിംഗ് ഡിപ്ലോമ കോഴ്സിന് അപേക്ഷ ക്ഷണിച്ചു. വെള്ളിയാഴ്ച വരെ പ്രോഗ്രാം പ്രവേശനത്തിന് അപേക്ഷ സമർപ്പിക്കാം.
വിദൂര, മുഖാമുഖ രീതികൾ ഉൾപ്പെടെയുള്ള ഒരു വർഷത്തെ കോഴ്സാണിത്. തിയറി, പ്രാക്ടിക്കൽ, ഇന്റേൺഷിപ്പ് എന്നിവയ്ക്കാണ് കോഴ്സിൽ പ്രാധാന്യം നൽകുന്നത്. സർവീസിലുള്ള അദ്ധ്യാപകർ, ടീച്ചർ എജ്യുക്കേറ്റർമാർ, സ്കൂൾ ഭരണാധികാരികൾ, ഗൈഡൻസ് പരിശീലനം ലഭിക്കാത്തവർ എന്നിവരെ ഉദ്ദേശിച്ചാണ് പ്രോഗ്രാം രൂപകൽപ്പന ചെയ്തിരിക്കുന്നത്.
ncert.nic.in മുഖേന ആവശ്യ രേഖകൾ സഹിതം അപേക്ഷ സമർപ്പിക്കാവുന്നതാണ്. ഗവൺമെന്റ് ഡെപ്യൂട്ടേഷനോടെ അപേക്ഷിക്കുന്നവർക്കാണ് മുൻഗണന. അപേക്ഷയിൽ സംസ്ഥാനം പരിഗണിച്ചുകൊണ്ടുള്ള ഒരു പഠന കേന്ദ്രം തിരഞ്ഞെടുക്കാം.
