ന്യൂദല്ഹി : ഏകദിന ലോകകപ്പ് ക്രിക്കറ്റില് നെതര്ലന്ഡ്സിന് എതിരെ ഓസ്ട്രേലിയയ്ക്ക് കൂറ്റന് ജയം. നെതര്ലന്ഡ്സ് ഏറ്റുവാങ്ങിയത് 309 റണ്സിന്റെ കൂറ്റന് തോല്വി.
400 റണ്സ് വിജയലക്ഷ്യവുമായിറങ്ങിയ നെതര്ലന്ഡ്സ് 21 ഓവറില് 90 റണ്സിന് എല്ലാവരും പുറത്തായി. ഓസ്ട്രേലിയന് താരം ആഡം സാംപ നാല് വിക്കറ്റെടുത്തു. മിച്ചല് മാര്ഷ് രണ്ട് വിക്കറ്റ് നേടി.
ഓസ്ട്രേലിയയുടെ തുടര്ച്ചയായ മൂന്നാം ജയമാണിത്.
ടോസ് നേടിയ ഓസ്ട്രേലിയ ബാറ്റിംഗ് തെരഞ്ഞെടുക്കുകയായിരുന്നു. ഓസ്ട്രേലിയ എട്ട് വിക്കറ്റ് നഷ്ടത്തില് 399 റണ്സ് നേടി. ഡേവിഡ് വാര്ണര് (93 പന്തില് 104), ഗ്ലെന് മാക്സ്വെല് (44 പന്തില് 106) എന്നിവരുടെ സെഞ്ച്വറികളാണ് കൂറ്റന് സ്കോര് നേടാന് ഓസ്ട്രേലിയയെ തുണച്ചത്. സ്റ്റീവന് സ്മിത്ത് (71), മര്നസ് ലബുഷെയ്ന് (62) എന്നിവരും നന്നായി ബാറ്റ് വീശി.ഗ്ലെന് മാക്സ്വെലിന്റേത് ഏകദിന ക്രിക്കറ്റ് ലോകകപ്പിലെ അതിവേഗ സെഞ്ച്വറിയാണ്. 40 പന്തിലായിരുന്നു താരം സെഞ്ച്വറി നേടിയത്.
നെതര്ലന്ഡ്സിന് വേണ്ടി ലോഗന് വാന് ബീക്ക് നാലും ബാസ് ഡി ലീഡ് രണ്ടും ആര്യന് ദത്ത് ഒരു വിക്കറ്റും നേടി.
