തൃശ്ശൂര്: കുടുംബവഴക്കിനെ തുടര്ന്ന് ഭര്തൃപിതാവ് തീകൊളുത്തിയ യുവതി മരിച്ചു. മണ്ണുത്തി ചിറക്കാക്കോട് കുടുംബത്തെ പെട്രാള് ഒഴിച്ചു തീ കൊളുത്തിയ സംഭവത്തില് ഗുരുതര പൊള്ളലേറ്റ് ആശുപത്രിയില് ചികിത്സയിലായിരുന്ന യുവതിയാണ് മരിച്ചത്. ഇതോടെ ഈ സംഭവത്തിലെ മരണം നാലായി.
ലിജി (35) ആണ് തിങ്കളാഴ്ച വൈകിട്ട് ആശുപത്രിയില് ചികിത്സയിലിരിക്കെ മരിച്ചത്. മണ്ണുത്തി ചിറക്കാക്കോട് സ്വദേശി കൊട്ടേക്കാടന് വീട്ടില് ജോണ്സണ് ആണ് സപ്തം. 14 ന് പുലര്ച്ചെ മൂന്ന് മണിയോടെ മകന് ജോജി, ഭാര്യ ലിജി, 12 കാരനായ പേരക്കുട്ടി ടെന്ഡുല്ക്കര് എന്നിവരെ പെട്രോള് ഒഴിച്ച് തീകൊളുത്തിയത്. കുടുംബം ഉറങ്ങിക്കിടന്ന സമയം ജോണ്സണ് ഇവരുടെ മുറി പുറത്ത് നിന്നും പൂട്ടി ജനല് വഴി പെട്രോള് ഒഴിച്ച് തീ വയ്ക്കുകയായിരുന്നു. ജോജിയും ടെന്ഡുല്ക്കറും എറണാകുളത്തെ സ്വകാര്യ ആശുപത്രിയില് സംഭവദിവസം തന്നെമരിച്ചു. തീ കൊളുത്തിയതിനു ശേഷം വിഷം കഴിച്ച് ആത്മഹത്യക്ക് ശ്രമിച്ച ജോണ്സണെ വീടിന്റെ ടെറസിന് മുകളില് അവശ നിലയില് കണ്ടെത്തുകയായിരുന്നു.
ചികിത്സയിലിരിക്കെ സപ്തംബര് 1 നാണ് ജോണ്സണ് മരിച്ചത്. അച്ഛനും മകനുമായുള്ള തര്ക്കവും വൈരാഗ്യമാണ് ഈ കൊടും ക്രൂരതക്ക് കാരണമായത്. ഒരുതരത്തിലും രക്ഷപ്പെടരുതെന്ന മുന് കരുതലോടെയായിരുന്നു തീയിടല്. വീട്ടുകിണറ്റിലെ മോട്ടോര് കേടാക്കിയ ശേഷമാണ് ഈ ക്രൂരകൃത്യം ചെയ്ത്. സമീപത്തെ വീട്ടിലെ പൈപ്പ് ഉപയോഗിച്ച് വെള്ളം പമ്പ് ചെയ്ത് തീ കെടുത്തിയാണ് പരിക്കേറ്റവരെ പുറത്തെത്തിച്ചത്. തീപ്പിടിത്തത്തില് മുറി പൂര്ണമായും കത്തിനശിച്ചിരുന്നു.
