കോട്ടയം: വിദ്യാര്ത്ഥിനികളടക്കം 27 ഓളം പെണ്കുട്ടികളെ പീഡിപ്പിച്ച പ്രതിക്ക് 23 വര്ഷം കഠിന തടവിനും 60,000 രൂപ പിഴയും. കടുത്തുരുത്തി കല്ലറ ജിത്തുഭവനില് ജിന്സുവിനെ (27) യാണ് കോട്ടയം ഫാസ്റ്റ്ട്രാക്ക് സ്പെഷല് കോടതി ശിക്ഷിച്ചത്. നഗ്ന ചിത്രമടക്കം കാണിച്ച് 27 പെണ്കുട്ടികളെ പീഡിപ്പിച്ച കേസിലാണ് ശിക്ഷ വിധിച്ചത്.
ജില്ലയിലെ ഒരു സ്കൂളിലെ പ്രധാനാധ്യാപിക പോലീസിന് നല്കിയ വിവരത്തിന്റെ അടിസ്ഥാനത്തില് നടത്തിയ അന്വേഷണത്തിലാണ് ഇയാള് 2018 ല് പിടിയിലായത്. പ്രതിയുടെ മൊബൈല് ഫോണ് പോലീസ് പരിശോധിച്ചപ്പോള് നിരവധി പെണ്കുട്ടികളുമായുള്ള അശ്ലീല ചാറ്റിങ്ങുകളും കണ്ടെടുത്തു. രക്ഷിതാക്കളെ വിളിച്ചുവരുത്തി പോലീസ് കാര്യങ്ങള് ധരിപ്പിച്ചതോടെ പെണ്കുട്ടി ഈ ബന്ധത്തില് നിന്നും പിന്മാറി. ജിന്സുവിനെ ഫെയ്സ് ബുക്കിലൂടെ പരിചയപ്പെട്ട പെണ്കുട്ടിയുടെ ഫോട്ടോ പിന്നീട് ഫെയ്സ് ബുക്കില് ഇടുമെന്ന് ഭീഷണിപ്പെടുത്തി നഗ്നചിത്രങ്ങളെടുത്തു. പിന്നീട് ഈ ചിത്രങ്ങള് കാണിച്ച് ഭീഷണിപ്പെടുത്തി പീഡിപ്പിക്കുകയായിരുന്നു. മുപ്പതോളം വിദ്യാര്ഥിനികളുടെ നഗ്നഫോട്ടോകളും വീഡിയോദൃശ്യങ്ങളുമാണ് ഇയാള് ഫോണില് സൂക്ഷിച്ചിരുന്നത്.
