ലഖ്നൗ: അയോധ്യയിലെ ശ്രീരാമക്ഷേത്രത്തിന്റെ നിര്മാണം ദീപാവലിയോടെ മിക്കവാറും പൂര്ത്തിയാക്കുവാനാണ് ശ്രമിക്കുന്നതെന്ന് ഉത്തര് പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞു. സംസ്ഥാനത്തിനും രാജ്യത്തിനും അഭിമാനത്തിന്റെ ആ നിമിഷം സമാഗതമാവുകയാണ്. മനോഹരമായ ശ്രീരാമക്ഷേത്രം 2024 ജനുവരിയില് പ്രധാനമന്ത്രി നരേന്ദ്ര മോദി സമര്പ്പിക്കുമെന്നും യോഗി പറഞ്ഞു.ശ്രീരാമക്ഷേത്രത്തിന്റെ നിര്മാണ പുരോഗതി അയോധ്യയിലെത്തി വിലയിരുത്തിയശേഷം സംസാരിക്കുകയായിരുന്നു യോഗി.
അയോധ്യയുടെ സര്വ്വതേന്മുഖമായ പുരോഗതിക്കായി 30,000 കോടി രൂപയുടെ പദ്ധതികളാണ് ഇരട്ട എന്ജിന് സര്ക്കാര് നടപ്പിലാക്കുന്നതെന്നും മുഖ്യമന്ത്രി പറഞ്ഞു.
ഹനുമാന് ക്ഷേത്രത്തിലും അദ്ദേഹം ദര്ശനം നടത്തി. രാമക്ഷേത്ര നിര്മാണത്തില് ഏര്പ്പെട്ടിരിക്കുന്ന തൊഴിലാളികളുമായി സംസാരിക്കുകയും അവരുടെ ആവശ്യങ്ങളെക്കുറിച്ച് ആരായുകയും ചെയ്തു. ട്രസ്റ്റ് ഭാരവാഹികളും യോഗി ആദിത്യനാഥിനെ സ്വീകരിക്കാന് എത്തിയിരുന്നു.
