കോട്ടയം: റബ്ബര്കര്ഷകരെ കബളിപ്പിച്ച് അധികാരത്തിലേറിയ പിണറായി സര്ക്കാര് റബ്ബര് കര്ഷകര്ക്ക് നല്കിയ വാഗ്ദാനം നടപ്പിലാക്കണമെന്ന് ജനപക്ഷം നേതാവ് പി.സി.ജോര്ജ് വാര്ത്താസമ്മേളനത്തില് ആവശ്യപ്പെട്ടു.
കര്ഷകരുടെ പാര്ട്ടിയെന്ന് അവകാശപ്പെടുന്ന കേരളാ കോണ്ഗ്രസ്സ് (എം) ഇപ്പോള് കര്ഷകരുടെ പേരില് നടത്തുന്ന സമരങ്ങള് വെറും പ്രഹസനമാണ്. ഇത് ജനരോഷം ഭയന്നുള്ള കോപ്രായങ്ങള് മാത്രമാണ്. അധികാരത്തിലെത്തി രണ്ടര വര്ഷം പിന്നിട്ടിട്ടും വാഗ്ദാനം നടപ്പിലാക്കാതെ മുന്നോട്ട് പോകുകയാണ് പിണറായി സര്ക്കാര്. കഴിഞ്ഞാഴ്ച ഇടുക്കിയില് ഭൂപതിവ് ഭേദഗതി സന്ദേശയാത്ര സംഘടിപ്പിച്ചു. ദീര്ഘകാലം ധനകാര്യ റവന്യൂവകുപ്പുകള് കൈകാര്യം ചെയ്തിരുന്ന കര്ഷക പാര്ട്ടി നേതാവായ കെ.എം. മാണി എന്ത് കൊണ്ട് ഈ ഭേദഗതി നടപ്പിലാക്കിയില്ല. 2012ന് ശേഷം റബ്ബര് കര്ഷകന് റബ്ബറിന് അര്ഹമായ വില ലഭിച്ചിട്ടില്ല.
ലോക്സഭാ തെരഞ്ഞെടുപ്പില് വലിയ കര്ഷക രോഷം ഉണ്ടാകുമെന്ന് ഉറപ്പായ കേരള കോണ്ഗ്രസ്സ് മാണി വിഭാഗം തട്ടിപ്പ് സമരങ്ങള് നടത്തുകയാണെന്നും പി.സി.ജോര്ജ്ജ് പറഞ്ഞു.
ജന്മഭൂമി ഓണ്ലൈന്