ജയ്പൂര്: സ്ഥാനമോഹം ആവര്ത്തിച്ച് ഗെഹ്ലോട്ട്. കോണ്ഗ്രസില് മുഖ്യമന്ത്രിയാകാന് താനല്ലാതെ മറ്റാരുമില്ലെന്ന് പറയാതെ പറഞ്ഞ് സച്ചിന് പൈലറ്റിനെതിരെ രാജസ്ഥാന് മുഖ്യമന്ത്രിയുടെ ഒളിയമ്പ്.
‘മുഖ്യമന്ത്രി സ്ഥാനം ഒഴിയണമെന്നൊക്കെ ആഗ്രഹമുണ്ട്, പക്ഷേ എന്തോ ആ കസേര എന്നെ വിട്ടുപോകുന്നില്ല,’ എന്നായിരുന്നു പാര്ട്ടിയില് നേതൃമാറ്റം വേണമെന്ന് ആവശ്യപ്പെട്ട് സച്ചിന് വിഭാഗം അഴിച്ചുവിട്ട പ്രചാരണത്തിന് ഇന്നലെ ഗെഹ്ലോട്ട് മറുപടി പറഞ്ഞത്. ഞാന് നാലാം തവണയും മുഖ്യമന്ത്രിയാകണമെന്ന് ഒരു വനിതാ അനുഭാവി ആവശ്യപ്പെട്ടെന്ന് ദല്ഹിയില് മാധ്യമങ്ങളെ അഭിസംബോധന ചെയ്ത് ഗെഹ്ലോട്ട് പറഞ്ഞു.
പൈലറ്റ് ക്യാമ്പിലെ അസ്വസ്ഥതകളെക്കുറിച്ചുള്ള ചോദ്യത്തിന് പാര്ട്ടിയില് ഭിന്നതയില്ലാത്തതിന് കാരണം ‘ക്ഷമിക്കുക, മറക്കുക’ എന്ന തന്റെ മന്ത്രമാണെന്ന് അദ്ദേഹം അവകാശപ്പെട്ടു. കോണ്ഗ്രസ് സ്ഥാനാര്ത്ഥി പട്ടിക പുറത്തിറക്കുന്നതിലെ കാലതാമസത്തില് ബിജെപിക്ക് മാത്രമാണ് വിഷമമെന്നും അദ്ദേഹം ചൂണ്ടിക്കാട്ടി.
