ഇടുക്കി: മൂന്നാറില്‍ കോണ്‍ഗ്രസ് നേതാക്കളുടെ ഉള്‍പ്പടെ 17 വന്‍കിട കൈയ്യേറ്റങ്ങളുണ്ടെന്ന് സി പി എം ജില്ലാ സെക്രട്ടറി സി വി വര്‍ഗീസ്. മറ്റ് ഭൂമിയില്ലാത്ത ഉപജീവനമാര്‍ഗമില്ലാത്തവരെ കുടിയൊഴിപ്പിക്കാന്‍ പാര്‍ട്ടി അനുവദിക്കില്ലെന്നും അദ്ദേഹം പറഞ്ഞു.
കോണ്‍ഗ്രസ് നേതാക്കളായ ബാബു കുര്യാക്കോസ്, പി പി തങ്കച്ചന്‍, എ കെ മണി എന്നിവരുടേത് ഉള്‍പ്പെടെയാണ് കയ്യേറ്റങ്ങള്‍. തങ്ങളുടെ നേതാക്കളെ കൂടി കയ്യേറ്റക്കാരായി സി പി എം ആരോപിച്ചതോടെ കോണ്‍ഗ്രസ് പ്രതിസന്ധിയിലായി.
മൂന്നാര്‍ കേസുകള്‍ കേള്‍ക്കുന്ന ഹൈക്കോടതി പ്രത്യേക ബഞ്ച് ഈ മാസം 24 ന് ഓണ്‍ലൈനില്‍ ഹാജരാകണമെന്ന് ജില്ല കളക്ടറോട് നിര്‍ദ്ദേശിച്ചിട്ടുണ്ട്.മൂന്നാറിലെ കയ്യേറ്റം ഒഴിപ്പിക്കല്‍ നടപടികളെ കുറിച്ച് ജില്ലാ കളക്ടര്‍ ഹൈക്കോടതിയില്‍ റിപ്പോര്‍ട്ട് സമര്‍പ്പിക്കും. നിയമ നടപടികളെല്ലാം പൂര്‍ത്തിയാക്കി കയ്യേറ്റമൊഴിപ്പിക്കല്‍ തുടരാനാണ് ദൗത്യ സംഘത്തിന്റെ തീരുമാനം.
പ്രതികരിക്കാൻ ഇവിടെ എഴുതുക: