പൂനെ: ഏകദിന ലോകകപ്പില്‍ ബംഗ്ലാദേശിനെതിരെ ഇന്ത്യക്ക് 257 റണ്‍സ് വിജയലക്ഷ്യം. ആദ്യം ബാറ്റ് ചെയ്ത ബംഗ്ലാദേശ് എട്ട് വിക്കറ്റ്
256 റണ്‍സ് നേടി . ടോസ് നേടി ബംഗ്ലാദേശ് ബാറ്റിംഗ് തെരഞ്ഞെടുക്കുകയായിരുന്നു.
തന്‍സിദ് ഹസന്‍ ലിറ്റണ്‍ ദാസ് ഓപ്പണിംഗ് കൂട്ടുകെട്ട് 93 റണ്‍സ് നേടി. തന്‍സിദ് 51റണ്‍സ് നേടി ആദ്യം പുറത്തായി.
ലിറ്റണ്‍ ദാസ് 66 റണ്‍സ് നേടി പുറത്തായി.അഞ്ചാം വിക്കറ്റില്‍ മുഷ്ഫിക്കുര്‍ റഹിം -തൗഹിദ് ഹൃദോയ് കൂട്ടുകെട്ട് 42 റണ്‍സെടുത്തെങ്കിലും തൗഹിദ് 16 റണ്‍സെടുത്ത് പുറത്തായി.
ബംഗ്ലാദേശിന് 179 റണ്‍സ് നേടുന്നതിനിടെ അഞ്ച് വിക്കറ്റുകളാണ് നഷ്ടമായത്.
മുഷ്ഫിക്കുര്‍ റഹിം 38 റണ്‍സ് നേടി പുറത്തായി. 46 റണ്‍സ് നേടിയ മഹമ്മുദുള്ളയുടെ ബാറ്റിംഗാണ് ടീമിനെ 256റണ്‍സിലേക്ക് എത്തിച്ചത്. ഇന്ത്യയ്‌ക്കായി രവീന്ദ്ര ജഡേജ, മൊഹമ്മദ് സിറാജ്, ജസ്പ്രീത് ബുംറ എന്നിവര്‍ രണ്ട് വിക്കറ്റ് വീതം നേടി.
മറുപടി ബാറ്റിംഗ് തുടങ്ങിയ ഇന്ത്യ 11ഓവറില്‍ വിക്കറ്റ് നഷ്ടപ്പെടാതെ 63 റണ്‍സ് നേടിയിട്ടുണ്ട്. രോഹിത് ശര്‍മ്മ 41 റണ്‍സും ശുഭമാന്‍ ഗില്‍ 27 റണ്‍സും നേടി ക്രീസിലുണ്ട്.
പ്രതികരിക്കാൻ ഇവിടെ എഴുതുക: